འདི་ག་ཚགས་པར་ཁང་དུ་གནས་ཚུལ་འབྱོར་གསལ། ཉེ་དུས། གྲོང་ཨུད་ཀྱི་ཧྲུའུ་ཅི་གཞོན་པ། རྒྱུན་ལས་གྲོང་སྤྱི་གཞོན་པ་ལིའུ་ཀྲེ་ཆང་གིས་གྲོང་ཁྱེར་བདེ་འཇགས་ཨུ་ལྷན་གྱི་འདི་ལོའི་ཚང་གྲོས་ཐེངས་ལྔ་པ་སྐོང་འཚོགས་གནང་སྟེ། གོང་གི་དུས་ཚིགས་གསུམ་གྱི་བདེ་འཇགས་ཐོན་སྐྱེད་ལས་དོན་ལ་ཕྱོགས་སྡོམ་དང་། དུས་ཚིགས་བཞི་པ་དང་རྒྱལ་སྟོན་ངལ་གསོའི་རིང་གི་བདེ་འཇགས་ཉེན་ཟོན་ལས་དོན་ལ་བཀོད་སྒྲིག་ཞིབ་ཚགས་བྱས་པ་རེད།
ལིའུ་ཀྲེ་ཆང་གིས་གནད་དོན་ལ་ལྟ་སྟངས་ཡང་དག་འཛིན་པ་དང་ངོས་འཛིན་མཐོར་གཏོང་གིས་ཐོན་སྐྱེད་བདེ་འཇགས་ལས་དོན་ཡག་པོ་སྒྲུབ་པའི་འགན་འཁྲིའི་བསམ་པ་དང་དགོས་གཏུག་གི་བསམ་པ་ཆེ་རུ་གཏོང་དགོས། གཙོ་གནད་འབུར་ཐོན་དང་ལྟ་སྐུལ་དོ་དམ་བྱེད་ཤུགས་ཆེ་རུ་བཏང་ནས་རྒྱལ་སྟོན་རིང་གི་བདེ་འཇགས་ཉེན་ཟོན་ལས་དོན་ནུས་ཤུགས་ཡོད་རྒུས་དམ་འཛིན་ཡག་པོ་བྱེད་དགོས། འགོ་ཁྲིད་ལ་ཤུགས་སྣོན་དང་འགན་འཁྲི་ནན་པོ་ཁུར་ནས་དུས་ཚིགས་བཞི་པའི་ཐོན་སྐྱེད་བདེ་འཇགས་དང་གོ་རིམ་ལྡན་པ་ཡོང་བའི་འགན་ལེན་བྱེད་དགོས།
ཚོགས་འདུ་ནི་བརྙན་ཤེལ་ཁ་པར་ཚོགས་འདུའི་རྣམ་པའི་ཐོག་ནས་འཚོགས་ཤིང་། རྩེད་ཐང་དུ་ཚོགས་ར་གཙོ་བོ་བཀོད་སྒྲིག་བྱས་པ་དང་། རྫོང་ངམ་ཆུས་སུ་ཡན་ལག་ཚོགས་ར་བཙུགས་ཡོད་པ་རེད།
རྒྱ་ཚྭ་དང་། ཆུ་གསུམ། གྲ་ནང་། ལྷུན་རྩེ་བཅས་ཀྱིས་ཐོན་སྐྱེད་བདེ་འཇགས་ཀྱི་འབྲེལ་ཡོད་ལས་དོན་སྤེལ་ཚུལ་སྙན་སེང་ཞུས་པ་རེད།
