མི་དམངས་ཉིན་རེའི་ཚགས་པར་ཐོག་གནས་ཚུལ་སྤེལ་བར་གཞིགས་ན། མིག་སྔའི་བར་བོད་རང་སྐྱོང་ལྗོངས་ཀྱི་ལྗོངས་ཡོངས་སུ་ཁྱོན་རིགས་ཁག་གི་གནམ་གཤིས་བརྟག་ཞིབ་ས་ཚིགས་1009བཙུགས་ཟིན་ནས་ས་ངོས་གནམ་གཤིས་ས་ཚིགས་ཤང་དང་གྲོང་རྡལ་ཚང་མར་ཁྱབ་ཡོད་པས། ས་ངོས་གནམ་གཤིས་ལྟ་དཔྱད་ལས་སྒོ་ཆ་ཚང་རང་འགུལ་ཅན་ལ་གྱུར་ཡོད། མཁའ་དབྱིངས་ཀྱི་གནམ་གཤིས་བརྟག་ཞིབ་ནུས་པ་མངོན་གསལ་དོད་པོས་ཆེ་རུ་ཕྱིན་ནས། མཁའ་དབྱིངས་ཀྱི་གནམ་གཤིས་ལྟ་དཔྱད་ས་ཚིགས་8དང་གནམ་གཤིས་ལེ་ཏ་12བཙུཌ་པ་དེ་དག་དྲ་སྦྲེལ་བཀོལ་སྤྱོད་ཐུབ་ནས་སྲུང་སྐར་རྒྱང་ཚོར་བཀོལ་སྤྱོད་ཀྱི་ནུས་པ་མངོན་གསལ་དོད་པོས་ཆེ་རུ་སོང་ཡོད་ལ། རླུང་སྤྲིན་མ་ལག་དང་རྒྱལ་ཁབ་ཕྱི་ནང་གི་སྲུང་སྐར་གཞན་དག་8ཀྱི་བརྙན་རིས་དཔྱད་གཞིའི་ཡིག་ཆ་བསྡུ་ལེན་ཡང་ཐུབ་སྟེ་འགྲིམ་འགྲུལ་དང་། འཕྲལ་སྡོམ། དམངས་སྤྱོད་མཁའ་འགྲུལ་སོཌ་སྡེ་ཚན་14དང་གྲངས་གཞི་མཉམ་སྤྱོད་ཐུབ་ཡོད།
ཉེ་བའི་ལོ་ཤས་རིང་། བོད་རང་སྐྱོང་ལྗོངས་ཀྱི་གནམ་གཤིས་སྔོན་བརྡ་དང་ཉེན་གཏོང་ནུས་པ་བརྟན་པོའི་ངང་ཆེ་རུ་ཕྱིན་ཡོད། ལྷག་དོན་དུ་ཏང་གི་ཚོགས་ཆེན་བཅོ་བརྒྱད་པ་འཚོགས་ཚུན། བོད་ཀྱི་རྫོང(ཆུས)74ལ་དུས་ཡུན་ཐུང་འབྲིང་དང་ཤང(གྲོང་རྡལ་དང་ཁྲོམ་གཞུང)695ཚང་མར་ཞིབ་ཚགས་ཅན་གྱི་གནམ་གཤིས་སྔོན་བརྡ་གཏོང་ཐུབ་པ་བྱུང་ཡོད། གནོད་འཚེ་སྔོན་འགོག་དང་ཉུང་གཏོང་དང་ཉེན་གཏོང་མ་ལག་ཕྱོཌ་ཡོངས་ནས་བསྐྲུན་ཏེ་རང་སྐྱོང་ལྗོངས་དང་། ས་ཁུལ། རྫོང་བཅས་རིམ་པ་གསུམ་དུ་གནོད་འཚེ་སྔོན་འགོག་དང་ཉུང་གཏོང་གི་གནམ་གཤིས་བཀོད་འདོམས་པུའུ་བཙུཌ་ཡོད་པས། གནམ་གཤིས་ཆ་འཕྲིན་ཞབས་ཞུའི་ས་ཚིགས་ཤང་དང་གྲོང་རྡལ་ཚང་མར་ཁྱབ་པ་དང་གནམ་གཤིས་ཆ་འཕྲིན་སྤེལ་གཏོང་མི་སྣ་གྲོང་ཚོ་རིམ་པའི་གནམ་གཤིས་ས་ཚིགས་ཚང་མར་ཁྱབ་ནས་བོད་ཀྱི་དམིགས་བསལ་ཁྱད་ཆོས་ལྡན་པའི་རང་སྐྱོང་ལྗོངས་དང་། ས་ཁུལ། རྫོང་། ཤང་། གྲོང་ཚོ་བཅས་རིམ་པ་ལྔའི་གནོད་འཚེ་སྔོན་འགོག་དང་ཉུང་གཏོང་གི་གནམ་གཤིས་མ་ལག་བསྐྲུན་ཡོད།