འདི་ག་ཚགས་པར་ཁང་དུ་གནས་ཚུལ་འབྱོར་གསལ།ཟླ་7པའི་ཚེས་26ཉིན། གྲོང་ཁྱེར་གྱི་ཚོགས་འདུ་བསྐོང་འཚོགས་བྱས་ཏེ། ཀྲུང་དབྱང་སྲིད་ཁྲིམས་དཔུང་ཁག་སློབ་གསོ་བཅོས་སྒྲིག་གི་ལྟ་སྐུལ་མཛུབ་ཁྲིད་ཚོ་ཆུང་ཨང་བཅུ་བཞི་པར་སློབ་གསོ་བཅོས་སྒྲིག་ལས་དོན་སྤེལ་ཚུལ་སྙན་ཞུ་ཕུལ་བ་རེད།
ཀྲུང་དབྱང་གི་སྲིད་ཁྲིམས་དཔུང་ཁག་སློབ་གསོ་བཅོས་སྒྲིག་གི་ལྟ་སྐུལ་མཛུབ་ཁྲིད་ཚོ་ཆུང་ཨང་བཅུ་བཞི་པའི་ཙུའུ་ཀྲང་གཞོན་པ་སུན་རུའེ་པེའོ་ཚོགས་འདུར་ཕེབས་པ་མ་ཟད་གསུང་བཤད་གནང་། རང་སྐྱོང་ལྗོངས་མི་དམངས་འཐུས་ཚོགས་རྒྱུན་ལས་ཨུ་ལྷན་གྱི་ཀྲུའུ་རེན་གཞོན་པ། གྲོང་ཨུད་ཀྱི་ཧྲུའུ་ཅི། གྲོང་ཁྱེར་གྱི་སྲིད་ཁྲིམས་དཔུང་ཁག་སློབ་གསོ་བཅོས་སྒྲིག་འགོ་ཁྲིད་ཚོ་ཆུང་གི་ཙུའུ་ཀྲང་བཅས་ཡིན་པའི་ཞུས་ཁྲེང་ཚང་གིས་ཚོགས་འདུ་གཙོ་སྐྱོང་གནང་བ་དང་འབྲེལ་ཡོད་ལས་དོན་སྙན་ཞུ་གནང་བ་རེད།
ཀྲུང་དབྱང་ལྟ་སྐུལ་མཛུབ་ཁྲིད་ཚོ་ཆུང་ཨང་བཅུ་བཞི་པའི་ཁོངས་མི། རང་སྐྱོང་ལྗོངས་ཏང་ཨུད་སྲིད་ཁྲིམས་ཨུད་ཧྲུའུ་ཅི་གཞོན་པ། དྲུང་ཆེ་ཧའོ་ཐའོ་དང་། རང་སྐྱོང་ལྗོངས་ཞིབ་དཔྱོད་ཁང་གི་ཏང་ཙུའུ་ཁོངས་མི། རིམ་པ་དང་པོའི་མཐོ་རིམ་ཞིབ་དཔྱོད་དཔོན། ལྗོངས་ཏང་ཨུད་མཛུབ་ཁྲིད་ཚོ་ཆུང་ཨང་གསུམ་པའི་ཙུའུ་ཀྲང་བཅས་ཡིན་པའི་འཕྲིན་ལས་འཇིགས་མེད་དང་མཛུབ་ཁྲིད་ཚོ་ཆུང་གི་ཁོངས་མི། གྲོང་ཁྱེར་འགོ་ཁྲིད་གྲོའོ་ཧྥུང་། ཀུང་པིང་། ཧོ་ཕེ། ཀྲང་ཏིང་ཁྲེང་། སྒྲོལ་མ་གཡང་འཛོམས་བཅས་ཚོགས་འདུར་ཕེབས་ཡོད་པ་རེད།
སུན་རུའེ་པེའོ་ཡིས་ནན་བཤད་གནང་དོན། སྲིད་ཁྲིམས་དཔུང་ཁག་སློབ་གསོ་བཅོས་སྒྲིག་ལས་དོན་སྤེལ་རྒྱུ་ནི། ཏང་ཀྲུང་དབྱང་གིས་ཏང་དང་རྒྱལ་ཁབ་བྱ་གཞག་གོང་འཕེལ་གྱི་སྤྱི་ཡོངས་ (པར་ངོས་གསུམ་པར་གཟིགས)
