མི་དམངས་ཉིན་རེའི་ཚཌ་པར་ཐོག་གནས་ཚུལ་སྤེལ་བར་གཞིགས་ན། ཉེ་ཆར་བཀྲམ་པའི《བོད་རང་སྐྱོང་ལྗོངས་ཀྱི་ཚོང་འགུགས་མ་འདྲེན་གྱི་གཟིཌ་སྐྱོང་སྲིད་ཇུས་ཀྱི་གཏན་འབེབས་འགའ་ཞིག》ནང་ཚོང་འགུགས་མ་འདྲེན་གྱི་སྲིད་ཇུས་སྔར་བས་ལེགས་སུ་བཏང་སྟེ། ཁྲལ་བསྡུ་དང་། དངུལ་རྩ། ཐོན་ལས་རོགས་སྐྱོར་སོཌ་ཀྱི་ཐད་ནས་གཟིགས་སྐྱོང་བྱེད་ཤུགས་དེ་བས་ཆེ་རུ་བཏང་སྟེ་ཡིད་དབང་འགུག་ནུས་ཆེ་རུ་གཏོང་བ་དང་འབྲེལ་ཚོང་འགུག་བྱེད་སྟངས་གསར་གཏོད་བྱེད་རྒྱུ་དར་སྤེལ་བཏང་ནས་དཔལ་འབྱོར་དང་སྤྱི་ཚོགས་འཕེལ་རྒྱས་ལ་གསོན་ཤུགས་གསར་པ་ཧུར་ཐག་སྣོན་རྒྱུ་ཡིན་པ་འཁོད་ཡོད།

གཏན་འབེབས་དེའི་ནང་ཁེ་ལས་ཀྱིས་2021ལོའི་ཟླ་1ཚེས་1ཉིན་ནས་2030ལོའི་ཟླ་12ཚེས་31ཉིན་བར་ནུབ་རྒྱུད་ས་ཁུལ་གྱི་ལྕག་སྐུལ་རིཌ་ཀྱི་ཐོན་ལས་དཀར་ཆག་ནང་གི་ཐོན་ལས་གཉེར་བ་མ་ཟད། གཙོ་གཉེར་ལས་སྒོའི་ཡོང་འབབ་ཀྱིས་ཁེ་ལས་ཀྱི་ཡོང་འབབ་བསྡོམས་འབོར་གྱི་བརྒྱ་ཆ60(དེ་ཚུད་པ)ཡན་བཟུང་བའི་རིཌ་ལ་ནུབ་རྒྱུད་ཐོན་འབྱེད་ཆེ་མོའི་ཁེ་ལས་ཀྱི་ཐོབ་ཁྲལ་གྱི་བརྒྱ་ཆ15ཡི་ཁྲལ་ཚད་ལྟར་ལག་བསྟར་བྱེད་རྒྱུ་ཡིན་པ་འཁོད་ཡོད་པ་རེད།

“ལོ་ལྔ་ཚན་བཅུ་གསུམ་པའི”རིང་བོད་ཀྱིས་ཚོང་འགུཌ་མ་འདྲེན་བྱེད་ཚད་སྒོར་དུང་ཕྱུར་2535ཟིན་ཡོད། ལྷག་པར་དུ་2018ལོར་བོད་ཀྱིས་ལྗོངས་ཡོངས་ཀྱི་ཚོང་འགུཌ་མ་འདྲེན་གྱི་ཚོཌ་ཆེན་ཐེངས་དང་པོ་འཚོཌ་ཚུན་བོད་ཀྱི་གྲོང་ཁྱེར（ས་ཁུལ）ཁག་གིས་བོད་སྐྱོར་ལས་དོན་རུ་ཁག་དང་ལག་གདང་སྦྲེལ་ནས་ཁེ་ལས་དེ་བས་མང་བ་འཛམ་གླིང་ཡང་རྩེར་མ་འཇོག་ལས་གཏོད་བྱེད་པར་ཡོང་རྒྱུར་སྐུལ་འདེད་བཏང་སྟེ་བོད་ཀྱི་དཔལ་འབྱོར་དང་སྤྱི་ཚོགས་འཕེལ་རྒྱས་ལ་སྒུལ་ནུས་གསར་པ་འཕེལ་བ་དང་གསོན་ཤུཌ་གསར་པ་བསྣན་ཡོད། 2020ལོར་བོད་ལྗོངས་ས་ཁུལ་གྱི་ཐོན་སྐྱེད་རིན་ཐང་བསྡོམས་འབོར་སྒོར་དུང་ཕྱུར་1902.74ཟིན་ནས་ལོ་གོང་མ་ལས་བརྒྱ་ཆ7.8འཕར་ཡོད། ལོ་ཧྲིལ་པོར་གཏན་འཇགས་རྒྱུ་ནོར་ལ་མ་འཇོག་བྱེད་ཚད་དངུལ་འབོར་ལོ་གོང་མ་ལས་བརྒྱ་ཆ5.4འཕར་ཡོད།