སྤྱི་ཟླ1པོའི་ཚེས26ཉིན་གྱི་ཕྱི་དྲོ། པེ་ཅིང་གྲོང་ཁྱེར་གྱི་ཏོག་གསར་གློ་ཚད་རིམས་ནད་ཀྱི་རིམ་འགོག་བྱ་བའི་གསར་འགྱུར་ཡོངས་བསྒྲགས་ཚོགས་འདུ་ཐེངས221ཐོག ཏ་ཤིང་ཁུལ་གྱི་མགོ་འཛིན་གཞོན་པ་ཧན་ཞིན་ཞིང་གིས་སྤྱི་ཚོགས་ཡོངས་སུ་ཁ་ཕྱོགས་ཏེ་ཉིང་སྐྱུར་ཞིབ་དཔྱད་ཚད་ལེན་སྔོན་གྱི་ཆུ་ཚོད་ཕྱེད་ཀའི་ནང་དོ་སྣང་བྱ་དགོས་པའི་སྐོར་དྲན་སྐུལ་བཏང་ཡོད་པ་གཤམ་གསལ་ལྟར།

1.ཞིབ་དཔྱད་ཚད་ལེན་སྔོན་གྱི་ཆུ་ཚོད་2ནང་ཟ་མ་ཟ་མི་ཆོག་པ་དང་། ཆུ་ཚོད་ཕྱེད་ཀའི་ནང་ཆུ་དང་ཆང་འཐུང་མི་རུང་ལ་ཐ་མག་ཀྱང་འཐེན་མི་རུང་། ཁ་ཞིམ་ཐང་ཆུ་ཟ་མི་རུང་།

2.ཞིབ་དཔྱད་ཚད་ལེན་བྱེད་སྐབས་ཁ་རས་གོན་པ་དང་ཕན་ཚུན་སྨི་1གི་བར་ཐག་བཞག་ནས་གྲལ་བསྒྲིག་དགོས་ལ། ཞིབ་དཔྱད་ཚད་ལེན་ལ་ཉེ་དུས་ཁ་ཆུ་མིད་པ་དང་མགྲིན་པར་ཆུ་བཤའ་རྒྱག་པ་སོགས་ཉུང་ཙམ་བྱས་ཏེ་ཞིབ་དཔྱད་ཚད་ལེན་ཡུལ་དངོས་ལ་ཁ་ལུད་གཏོར་མི་རུང་།

3.ཞིབ་དཔྱད་ཚད་ལེན་ཚར་རྗེས་མྱུར་དུ་ཡུལ་དངོས་ནས་ཁ་འབྲལ་དགོས།

རྒན་རྒོན་དང་། བྱིས་པ། ནད་པ། དབང་པོ་སྐྱོན་ཅན། སྦྲུམ་མ་སོགས་དམིགས་བསལ་མི་སྣས་མྱུར་བགྲོད་ཐབས་ལམ་སྤྱད་དེ་ཉིང་སྐྱུར་ཞིབ་དཔྱད་ཚད་ལེན་བྱས་ཆོག

གཞན་ད་དུང་གལ་ཏེ་ཁ་ནང་དུ་ཆུ་བསགས་པ་དང་ཁྲག་འཛག་པ་སོགས་ཀྱི་ནད་རྟགས་བྱུང་ཚེ་སྣ་མིད་དུག་སེལ་བྱས་པ་བརྒྱུད་དེ་མ་དཔེར་སྦགས་བཙོག་བཟོ་མི་རུང་།