ཉེ་དུས།ངེད་གྲོང་ཁྱེར་རིམ་ཁག་ཏང་རྩ་འཛུགས་དང་རྒྱ་ཆེའི་ཏང་ཡོན་མང་ཚོགས་ཚོས། རང་སྐྱོང་ལྗོངས་ཏང་ཨུད་དང་སྲིད་གཞུང་། དེ་བཞིན་གྲོང་ཨུད་དང་གྲོང་ཁྱེར་སྲིད་གཞུང་བཅས་ཀྱི་རིམས་འགོག་ལས་དོན་གྱི་བླང་བྱ་དོན་འཁྱོལ་ནན་ཏན་བྱས་ནས། འགན་འཁྲི་ཁུར་ཕོད་པ་དང་རང་འགུལ་ངང་བྱས་རྗེས་བཞག་སྟེ། རིམས་ནད་སྔོན་འགོག་ཚོད་འཛིན་གྱི་འགོག་རྒོལ་དམག་འཐབ་ནང་ཧུར་ཐག་ཞུགས་ཡོད། འཐབ་ས་མདུན་མར་རིམས་འགོག་ལས་ཀར་གཞོལ་བཞིན་པའི་ཁོང་ཚོས། འགྲོ་འོང་མི་སྣར་ཚ་བ་ལྟ་བ་དང་ཐོ་འགོད་དབྱེ་འབྱེད་བྱེད་པ། རང་གནས་ཀྱི་ཁུག་སོར་དུག་སེལ་བྱེད་པ། རིམས་འགོག་ཤེས་བྱ་དྲིལ་བསྒྲགས་ཤུགས་ཆེན་བྱེད་པ། གླེང་ཕྱོགས་ཀྱི་ཁྲིད་སྟོན་ཡང་དག་བྱེད་པ། མང་ཚོགས་ཀྱི་ཁྱིམ་དུ་བསྐྱོད་ནས་སྔོན་འགོག་ཤེས་བྱ་བརྒྱུད་སྤྲོད་བྱེད་པ་སོགས་བྱ་ཐབས་སྣ་ཚོགས་སྤྱད་དེ་རིམས་ནད་མཆེད་རྒྱུ་སྔོན་འགོག་བྱས་ཡོད་པ་རེད།