མི་དམངས་ཉིན་རེའི་ཚགས་པར་ཐོག་གནས་ཚུལ་སྤེལ་བ་གཞིར་བཟུང་། བོད་རང་སྐྱོང་ལྗོངས་ཀྱི་2019ལོའི་དཔལ་འབྱོར་འཁོར་སྐྱོད་གནས་ཚུལ་གྱི་ཡོངས་བསྒྲགས་ཚོགས་འདུའི་ཐོག་ནས་ཤེས་རྟོགས་བྱུང་བར་གཞིགས་ན། རྒྱལ་ཁབ་བསྡོམས་རྩིས་ཅུས་ཀྱིས་གཅིག་གྱུར་ཐོག་ཞིབ་རྩིས་བྱས་པ་བརྒྱུད་2019ལོར་བོད་ཀྱི་གྲོང་མི་ཡོངས་ཀྱི་མི་རེའི་ཆ་སྙོམས་བཀོལ་སྤྱོད་ཆོག་པའི་ཡོང་འབབ་སྒོར་19501ཟིན་པ་དེ་ལོ་གོང་མའི་དུས་མཚུངས་ལས་12.8%འཕར་ནས་འཕར་ཚད་རྒྱལ་ཡོངས་ཀྱི་ཨང་དང་པོར་སླེབས་པ་དང་། ཐོན་སྐྱེད་རིན་ཐང་བསྡོམས་འབོར་སྒོར་དུང་ཕྱུར་1697.82ཟིན་པ་དང་8.1%འཕར་ནས་འཕར་ཚད་རྒྱལ་ཡོངས་ཀྱི་ཨང་གཉིས་པར་སླེབས་ཡོད།

ཞིང་འབྲོག་ལས་ནི་བོད་ཀྱི་དཔལ་འབྱོར་འཕེལ་རྒྱས་ཀྱི་གལ་ཆེའི་ནང་གི་འགངས་ཆེ་ཞིག་ཡིན་པ་དང་དེ་ནི་གཞི་རིམ་གྱི་ཞིང་འབྲོག་མང་ཚོགས་ཀྱི་ཐོན་འཕར་འབབ་འཕར་དང་ཐད་ཀར་འབྲེལ་བ་ཡོད། 2019ལོར་བོད་ཀྱིས་ལོ་ཧྲིལ་པོར་ཞིང་ལས་དང་། ནགས་ལས། འབྲོག་ལས། ཉ་ལས་བཅས་ཀྱི་ཐོན་སྐྱེད་རིན་ཐང་བསྡོམས་འབོར་སྒོར་དུང་ཕྱུར་212.8ལེགས་སྒྲུབ་བྱས་པ་དེ་ལོ་གོང་མའི་དུས་མཚུངས་ལས་8.9%འཕར་བ་དང་།ལོ་ཧྲིལ་པོར་འབྲུ་རིགས་ཐོན་ཚད་བསྡོམས་རྩིས་རགས་ཙམ་བརྒྱབ་ན་ཏུན་ཁྲི་105ཟིན་པ། ལོ་ཧྲིལ་པོར་ཕྱུགས་རིགས་ལག་ཡོད་མགོ་གྲངས་ཁྲི་1702.81ཟིན་པ། ཕྱུགས་རིགས་བཤས་གཏོང་ཚད་མགོ་གྲངས་ཁྲི་482.89ཟིན་པ། ཕག་ཤ་དང་། ཚགས་ཤ ལུག་ཤ་བཅས་ཐོན་ཚད་ཏུན་ཁྲི་27.75ཟིན་ཡོད།

བཟོ་ལས་དཔལ་འབྱོར་བརྟན་པོའི་ངང་འཕར་བ་དང་གཉེར་སྐྱོང་ལས་རིགས་ཀྱི་ཡོང་འབབ་འཕར་ཚད་མགྱོགས་པ། ལོ་ཧྲིལ་པོར་ （པར་ངོས་གསུམ་པར་གཟིགས）