འདི་ག་ཚགས་པར་ཁང་དུ་གནས་ཚུལ་འབྱོར་གསལ། ཉེ་སྔོན། གྲོང་ཨུད་ཧྲུའུ་ཅི་གཞོན་པ། རྒྱུན་ལས་གྲོང་སྤྱི་གཞོན་པ་ཧྥང་ཤུད་ཀྱིས་རུ་སྣེ་ཁྲིད་དེ་མཚོ་སྣ་རྫོང་དུ་བསྐྱོད་དེ། ཤང་གྲོང་དར་རྒྱས་དང་གྲོང་གསེབ་སྡོད་མལ་ཁོར་ཡུག་ཕྱོགས་བསྡུས་བཅོས་སྒྲིག་གི་རྟོག་ཞིབ་ཆེན་པོའི་བྱེད་སྒོ་སྤེལ་བ་མ་ཟད། སྐུལ་སློང་བཀོད་སྒྲིག་ཚོགས་འདུ་བསྐོང་ཚོགས་བྱས་པ་རེད།
ཧྥང་ཤུད་ཀྱིས། རྟོག་ཞིབ་ལས་དོན་དམ་འཛིན་བྱེད་རྒྱུར་མཐོང་ཆེན་བྱས་ཏེ། གྲོང་ཁྱེར་དང་རྫོང་གི་གཅིག་གྱུར་བཀོད་སྒྲིག་གཞིར་བཟུང་། བསམ་བློའི་ངོས་འཛིན་གཅིག་གྱུར་དང་འགོ་ཁྲིད་ལ་ཤུགས་སྣོན། གོང་འོག་མཐུན་སྒྲིལ་བཅས་ཀྱི་སྒོ་ནས་རྟོག་ཞིབ་ཆེན་པོའི་བྱེད་སྒོ་འདི་ཉིད་གལ་ཆེའི་ལས་འགན་ཞིག་ལ་རྩིས་ཏེ་དམ་འཛིན་ཡག་པོ་བྱེད་དགོས་པ་དང་། འབྲེལ་ཡོད་བླང་བྱར་གོ་བ་གཏིང་ཟབ་བླངས་ཏེ་མཐའ་གཅིག་ཏུ་རྟོག་ཞིབ་ཆེན་པོའི་ལས་འགན་ཁག་ལེགས་སྒྲུབ་བྱེད་དགོས་པ། ཇུས་གཞི་ཞིབ་ཚགས་སུ་བཏང་སྟེ། མཚོ་སྣ་རྫོང་གི་དོན་དངོས་དང་ཟུང་འབྲེལ་གྱིས་གསར་གཏོད་རང་བཞིན་ལྡན་པའི་སྒོ་ནས་རྟོག་ཞིབ་ལས་དོན་ཡག་པོ་སྤེལ་དགོས་པ། བྱ་ཐབས་གནད་ལ་འཁེལ་བ་ལག་བསྟར་བྱས་ཏེ་གནད་དོན་གྱི་ཁྲིད་ཕྱོགས་ལ་ཤུགས་སྣོན་བརྒྱབ་ནས་རྟོག་ཞིབ་སྙན་ཞུའི་མ་ཡིག་ལེགས་པར་འབྲི་དགོས་པ་མ་ཟད། རྟོག་ཞིབ་ཆེན་པོའི་བྱེད་སྒོར་དངོས་དངོས་རྗེན་རྗེན་གྱི་ཕན་འབྲས་ཐོབ་རྒྱུར་འགན་ལེན་བྱེད་དགོས་པ་དང་། འགན་འཁྲི་ལེགས་པར་འཁུར་ཏེ་རྟོག་ཞིབ་ཆེན་པོའི་ལས་འགན་ཁག་དུས་ཚོད་དམ་འཛིན་གྱིས་སྒྲུབ་དགོས་པ། སྒྲིག་སྲོལ་སྒྲིག་ཁྲིམས་ལེགས་པར་བསྐྱངས་ཏེ་སྤྱོད་ཚུལ་ལེགས་པའི་སྒོ་ནས་རྟོག་ཞིབ་ལས་དོན་སྤེལ་དགོས་པ། རྟོག་ཞིབ་བྱས་འབྲས་ལ་འགན་སྲུང་ཐུབ་ཕྱིར། བསྡུ་སྤྱོད་བྱས་པའི་གྲངས་གཞི་དང་ཆ་འཕྲིན་མཐའ་དག་ལ་འགན་འཁུར་ཏེ་རྟོག་ཞིབ་ཆེན་པོའི་དམིགས་ཚད་མངོན་འགྱུར་ཐུབ་པ་བྱེད་དགོས་པའི་བླང་བྱ་བཏོན་ཡོད་པ་རེད།
