（པར་ངོས་དང་པོར་མཐུད་）ལག་བསྟར་བྱེད་དགོས་པ་དང་། ཧྲུའུ་ཅི་ཝུའུ་དབྱིང་ཅེས་གཙོ་བོ་གནང་བའི་ལྗོངས་ཏང་ཨུད་ཀྱི་འཐབ་ཇུས་བཀོད་སྒྲིག་གཞིར་བཟུང་། ས་གནས་སོ་སོའི་དོན་དངོས་གནས་ཚུལ་ལ་དམ་པོར་དམིགས་ཏེ་གྲོང་ཚོ་རིམ་པའི་རྩ་འཛུགས་བྱེད་སྒོ་ཁང་ཚད་ལྡན་ཅན་འཛུགས་སྐྱོང་ལས་དོན་ལ་མིག་རྒྱང་རིང་པོས་འཆར་འགོད་དང་ཚད་གཞི་མཐོ་པོས་ལག་ལེན། སྤུས་ཀ་དག་པོས་སྐུལ་སྤེལ་བཅས་གཏོང་དགོས་པ་དང་། བྱེད་སྒོ་ཁང་འདི་ཉིད་སྤྱོད་སྒོ་ཡངས་པ་དང་། རྒྱུན་བསྐྱངས་ཐུབ་པ། ཞབས་ཞུའི་བྱེད་ནུས་འཐུས་སྒོ་ཚང་བ་བཅས་ལྡན་ཞིང་། ཏང་ཡོན་མང་ཚོགས་ཚོས་རྒྱུན་དུ་འགྲོ་རྒྱུར་དགའ་བའི་བྱེད་སྒོ་ཁང་ཞིག་ཏུ་བསྐྲུན་དགོས་པའི་མཛུབ་སྟོན་གནང་།
ཙེང་དབན་མིང་གིས། ཆབ་སྲིད་རང་བཞིན་དང་། ཞབས་ཞུའི་རང་བཞིན། མང་ཚོགས་རང་བཞིན། སྒོ་དབྱེའི་རང་བཞིན་བཅས་འབུར་ཐོན་ཡོད་པ་བྱས་ཐོག་གྲོང་ཚོ་རིམ་པའི་རྩ་འཛུགས་བྱེད་སྒོ་ཁང་འདི་ཉིད་ཆབ་སྲིད་ཀྱི་ཁྲིད་སྟོན་དང་། མང་ཚོགས་ལ་ཞབས་ཞུ། མི་སེམས་གཅིག་སྒྲིལ། མི་རིགས་མཐུན་སྒྲིལ། འཕེལ་རྒྱས་ལ་སྐུལ་འདེད། བརྟན་ལྷིང་སྲུང་སྐྱོང་། ཁྲིམས་ལུགས་དྲིལ་བསྒྲགས། རིག་གནས་དར་སྤེལ་བཅས་བརྒྱད་ལྡན་འཐབ་ས་ཞིག་ཏུ་གཏོད་དགོས་པ་དང་། བྱེད་སྒོ་ཁང་གི་འཆར་འགོད་ཇུས་འགོད་ཐད་ཞིབ་དཔྱད་ནན་པོ་བྱས་ཏེ་གྲོང་ཚོ་གཅིག་ལ་འཆར་འགོད་གཅིག་མཐའ་འཁྱོངས་སྒོས་གྲོང་ཚོ་ཡུལ་ལྷན་ཨུད་གཉིས་ཀྱི་དཔུང་ཁག་ཚན་པ་དང་ཏང་ཡོན་མང་ཚོགས་འཐུས་མིའི་བསམ་གྲོས་བསྡུ་ལེན་གང་ལེགས་བྱས་ཐོག་བསྐྲུན་རྒྱུའི་བྱེད་སྒོ་ཁང་དེ་སྔར་བས་མང་ཚོགས་ཀྱི་འདོད་བློ་དང་འཚམས་པ་དངདུས་རབས་ཀྱི་དགོས་མཁོ་དང་འཚམས་པ་དགོས་པ། ཁང་བརྩེགས་གཅིག་ལ་སྤྱོད་སྒོ་མང་བ་དང་། གཅིག་བསྡུས་གཞུང་ལས་སྒྲུབ་པ། ཕྱོགས་བསྡུས་བེད་སྤྱོད་བཅས་ཡོང་རྒྱུར་མཐའ་འཁྱོངས་བྱས་ཐོག་སྤྱི་ཚོགས་འགན་སྲུང་དང་། དམངས་སྲིད། ཐེམ་ཁུངས། སྨན་བཅོས། དེ་བཞིན་སྡོད་ཁང་འཛུགས་སྐྲུན་གྱི་ཞིབ་བཤེར་ཆོག་མཆན། ཐེམ་ཐོ་སྤོ་སྒྱུར། དཔང་ཡིག་ཚབ་གཉེར་སོགས་རིགས་མི་འདྲ་བའི་ཞབས་ཞུའི་ཐོན་ཁུངས་གཤམ་སྤྲོད་བྱ་རྒྱུར་སྐུལ་སྤེལ་བཏང་ནས་བྱེད་སྒོ་ཁང་ལ་ལྡན་པའི་བྱེད་ནུས་ཀྱིས་མང་ཚོགས་ཀྱི་དགོས་མཁོ་འདྲ་མིན་བསྐོང་ཐུབ་རྒྱུར་བརྩོན་ལེན་བྱེད་དགོས་པ། བྱེད་སྒོ་ཁང་གི་སློབ་གསོའི་ནུས་པ་འདོན་སྤེལ་ཡག་པོ་བྱས་ཏེ་བོད་གསར་རྙིང་གི་བསྡུར་བ་དང་ཏང་གི་བཀའ་དྲིན་ཚོར་ཤེས་ཀྱི་སློབ་གསོའི་བྱེད་སྒོ་ཡག་པོ་སྤེལ་ནས་ཏང་ཡོན་མང་ཚོགས་ཚོས་ཁེ་ཕན་གང་ལས་བྱུང་བ་ཤེས་རྟོགས་ཐུབ་པ་བྱེད་དགོས་པ་མ་ཟད། ཆོས་ལུགས་ཀྱི་ཤུགས་རྐྱེན་ངན་པ་མེད་པ་བཟོས་ཏེ་ཚེ་འདིའི་བདེ་སྐྱིད་འཚོ་བ་ཡག་པོ་སྐྱེལ་དགོས་པའི་སློབ་སྒོ་གཏོང་དགོས་པ། བྱེད་སྒོ་ཁང་དུ་ ཐོན་ལས་འཕེལ་དང་ཞིང་ཟོག་འབྲོག་ལས་ཀྱི་ཤེས་བྱ་སོགས་ལ་གཙོ་བོར་དམིགས་ནས་ཞིང་འབྲོག་མང་ཚོགས་ལ་མཁོ་བའི་ལག་རྩལ་གསོ་སྦྱོང་འཛིན་གྲྭ་ཡག་པོ་གཉེར་ཏེ་མང་ཚོགས་ཀྱི་ཕྱུག་འགྱུར་ལམ་བུ་རྒྱ་སྐྱེད་གཏོང་དགོས་པ་བཅས་ཀྱི་ནན་བཤད་གནང་ངོ་།
