（པར་ངོས་དང་པོར་མཐུད） ཝང་ཡུའུ་ཧྭ།གྲོང་ཨུད་རྒྱུན་ཨུ།དྲིལ་བསྒྲགས་པུའུ་ཀྲང་གཡན་ཧུང་།གྲོང་སྤྱི་གཞོན་པ་ཧོང་ཅིན་ཁྲེང་།ཀྲང་ཧྥུ་ཁྲེན།བསོད་ནམས་ཆོས་པ་བཅས་ཀྱིས་ཁག་སོ་སོར་ལས་ཀའི་དོན་དངོས་དང་ཟུང་འབྲེལ་བྱས་ནས་གཏམ་བཤད་སྤེལ་བ་རེད།

ཚོགས་འདུས།ཚང་མའི་གཏམ་བཤད་གྲ་སྒྲིག་ཚགས་ཚུད་པོ་དང་།ངོས་འཛིན་ཟབ་པོ།གནད་དོན་ཁྲིད་ཕྱོགས་མཐའ་འཁྱོངས།དོན་དངོས་དང་ཟུང་འབྲེལ།རང་ཉིད་ཀྱི་ལས་ཀའི་ཁག་བགོས་དོ་དམ་ནས་འགོ་བཙུགས་ཏེ་སློབ་སྦྱོང་གི་མྱོང་ཚོར་དང་ཟུང་འབྲེལ་དམ་པོ། བསམ་གཞིག་བྱེད་ནུས་ལྡན་པ། བྱ་ཐབས་ཡོད་པ་བཅས་ཀྱི་ཐོག་ནས་དཔལ་འབྱོར་སྤྱི་ཚོགས་འཕེལ་རྒྱས་དང་སྤྱི་ཚོགས་བྱ་གཞག་ཡར་ཐོན།འདུ་ཤེས་འཛིན་སྟངས་གསར་གཏོད།སྐྱེ་ཁམས་དཔལ་ཡོན་འཛུགས་སྤེལ།དབུལ་སྒྲོལ་འགག་སྒྲོལ་སོགས་ཀྱི་ལས་དོན་ཚང་མར་ནུས་པ་གལ་ཆེན་ཐོན་ཡོད་པ་རེད་ཅེས་བཤད།

ཚོགས་འདུས་ཞི་ཅིན་ཕིང་གིས་རྒྱལ་སྲིད་སྐྱོང་སྟངས་སྐོར་གླེང་བའི་གསུང་རྩོམ་གྱི་ནང་དོན་ཕུན་སུམ་ཚོགས་པ་དང་བསམ་བློའི་ནང་དོན་ཟབ་མོ་ལྡན་ཡོད།ཕྱོགས་ཡོངས་ནས་གཟབ་ནན་ཆེ་བའི་ཚན་རིག་གི་མ་ལག་ཆ་ཚང་ཞིག་དང་།ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་སྤྱི་ཚོགས་རིང་ལུགས་ཀྱི་བསམ་བློའི་གྲུབ་ཆ་གལ་ཆེན་ཞིགམར་ཁེ་སི་རིང་ལུགས་ཀྲུང་གོ་ཅན་གྱི་གྲུབ་འབྲས་གསར་ཤོས་དང་།རླབས་ཆེན་ལས་གཞི་ཁག་བཞིར་སྐུལ་སྤེལ་གཏོང་བའི་ཐད་ལོ་རྒྱུས་ཀྱི་འཕེལ་རིམ་ནང་ཆགས་པའི་རིགས་པའི་གཞུང་ལུགས་སྙིང་བསྡུས་ཞིག་ཀྱང་རེད།གྲོང་ཁྱེར་ཡོངས་ཀྱི་རིམ་ཁག་ཚན་པ་ཁག་དང་རྒྱ་ཆེའི་ཏང་ཡོན་ལས་བྱེད་པ།ལྷག་དོན་དུ་གཙོ་འགན་འཁུར་མཁན་བློ་མཐུན་ཚོགས་སྣེ་ཁྲིད་དེ་སློབ་སྦྱོང་གཏིང་ཟབ་བྱས་ཏེ་ཡིག་འབྲུ་རེ་རེ་དང་།སློབ་སྦྱོང་བྱང་ཆུབ་པ་བྱས་ཏེ་དངོས་སུ་ཤེས་པ་དང་སློབ་སྦྱོང་བྱང་ཆུབ་པ་བྱས་ཏེ་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་སྤྱི་ཚོགས་རིང་ལུགས་དགོངས་པས་བསམ་བློར་དྲག་ཆས་སྤྲས་པ་དང་ལག་ལེན་ལ་མཛུབ་སྟོན།ལས་ཀར་སྐུལ་འདེད་བཅས་གཏོང་དགོས་པའི་ནན་བཤད་གནང་།

ཚོགས་འདུས་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་སྤྱི་ཚོགས་རིང་ལུགས་ཀྱི་དཔལ་འབྱོར་བསམ་བློས་འགོ་གཙོ་བྱེད་རྒྱུ་མཐའ་འཁྱོངས་བྱས་ནས་དཔལ་འབྱོར་ལས་དོན་ལ་དམ་འཛིན་ཏན་ཏིག་བྱེད་དགོས་པ་སྟེ་གཅིག་ནས་ཁྱོན་ཡོངས་ནས་འཕེལ་རྒྱས་ཀྱི་འདུ་ཤེས་གསར་པ་དོན་འཁྱོལ་དང་།གཉིས་ནས་དེང་རབས་ཅན་གྱི་དཔལ་འབྱོར་མ་ལག་འཛུགས་སྐྲུན་བྱེད་རྒྱུ་གཙོ་བོ་བྱེད་པ།གསུམ་ནས་སྤྱི་པའི་ཞབས་ཞུ་དང་གྲོང་ཁྱེར་གྲོང་གསེབ་གཅིག་གྱུར་འཆར་འགོད་འཐུས་སྒོ་ཚང་དུ་བཏང་ནས་རྨང་གཞིའི་སྒྲིག་བཀོད་བསྐྲུན་མགྱོགས་སུ་བཏང་བ།བཞི་ནས་མི་དམངས་ལྟེ་བར་འཛིན་པའི་འཕེལ་རྒྱས་ཀྱི་འདུ་ཤེས་མཐའ་འཁྱོངས་བྱེད་དགོས།ལྔ་ནས་སྒྱུར་བཅོས་སྒོ་དབྱེ་རྒྱ་འབྱེད་དང་ཚོང་འགུག་མ་འདྲེན་རྒྱ་ཆེར་གཏོང་དགོས།དྲུག་ནས་ཏང་གིས་དཔལ་འབྱོར་ལས་དོན་ལ་འགོ་ཁྲིད་བྱེད་རྒྱུར་ཤུགས་སྣོན་རྒྱག་དགོས་པ་བཅས་ཀྱི་བླང་བྱ་བཏོན་ཡོད།

ཚོགས་འདུས།བློ་མཐུན་མུའུ་ཡུས་ཅུན་ལོ་19ཡིན་དུས་ཀན་སུའུ་ནས་བོད་དུ་དམག་མི་བྱེད་པར་ཡོང་བ་དང་། དམག་ཁོངས་ནས་ཕྱིར་འཐེན་བྱས་རྗེས་མུ་མཐུད་བོད་དུ་ཞུགས་པ་རེད།ཁོང་གིས་ལྷོ་ཁར་ལས་ཀ་བྱས་ནས་ལོ་21སོང་བ་དང་།2017ལོའི་ཟླ་10ཚེས་13ཉིན།མུའུ་ཡུས་ཅུན་སྙུན་གཞི་ཕོག་ནས་གློ་བུར་དུ་ཀླད་ཁྲག་འདྲེས་ནས་ལས་གནས་ཐོག་འགྱེལ་ཏེ་སྐུ་གཤེགས་སྐབས་ལོ་40 ཡིན། བློ་མཐུན་མུའུ་ཡུས་ཅུན་གྱིས་དུས་ཡུན་རིང་པོར་གཞི་རིམ་གྱི་འཐབ་ས་དང་པོར་ ལས་ཀ་གནང་བ་དང་། སྒེར་སེམས་མེད་པར་ལེགས་སྐྱེས་འབུལ་ཏེ་ ལས་སྒྲུབ་ཧུར་ཐག་འབད་ཐག་དང་དཀའ་སྒྲུབ་དངོས་སྒྲུབ་བྱས་ནས་རང་ཉིད་ཀྱི་ཚེ་སྲོག་ལས་བོད་སྐྱོད་པ་རྒན་གྲས་ཀྱི་སྙིང་སྟོབས་མངོན་པར་བྱས་པ་དེ་ང་ཚོས་སློབ་སྦྱོང་ཞུ་འོས་པ་ཞིག་རེད་ཅེས་བཤད།

ཚོགས་འདུས།མི་བཀོལ་སྤྱོད་ཀྱི་ཁྲིད་ཕྱོགས་ཡག་པོ་འཛུགས་དགོས་པ་དང་།ལས་བྱེད་བཟང་པོའི་ཚད་གཞི་དོན་འཁྱོལ་བྱས་ཏེ་འགན་འཁུར་ཕོད་པ་དང་།བྱ་སྤྱོད་སྤེལ་ཐུབ་མཁན།ལས་སྒྲུབ་ནུས་པ་ལྡན་པའི་ལས་བྱེད་ཡག་པོ་འདེམས་དགོས།གྲོང་ཁྱེར་ཡོངས་སུ་མུའུ་ཡུས་ཅུན་ལྟ་བུའི་ལས་བྱེད་བཟང་པོ་དང་ཏང་ཡོན་བཟང་པོ་དྲིལ་བསྒྲགས་ཤུགས་ཆེན་བྱས་ཏེ་སྤྱི་ཚོགས་ཡོངས་སུ་ལས་སྒྲུབ་ལས་གཏོད་ཀྱི་ཁོར་ཡུག་བཟང་པོ་ཞིག་བཏོད་དགོས་པའི་བླང་བྱ་བཏོན་ཡོད་པ་རེད།