（པར་ངོས་དང་པོར་མཐུད） དྲ་ཐོག་ཚོང་དོན་སྟེགས་བུ་བརྒྱུད་གོང་དཀར་རྫོང་གི་ཁྱད་ལྡན་ཞིང་འབྲོག་ཐོན་རྫས་རྒྱལ་ཡོངས་ས་གནས་ཁག་ལ་བྲིན་ཚོང་བྱས་ནས་ཞིང་འབྲོག་མང་ཚོགས་ཕྱུག་འགྱུར་འབབ་འཕར་ཡོང་རྒྱུར་སྐུལ་འདེད་ནུས་ལྡན་བཏང་ཡོད།

2017ལོར། གོང་དཀར་རྫོང་ལྕེ་བདེ་ཞོལ་གྲོང་ལྷན་དང་། འཕྲེང་འགོ་གྲོང་ཚོ། ཁྱིམ་བཞི་གྲོང་ཚོ་སོགས་གྲོང་ཚོ་19རུ་དྲ་ཐོག་ཚོང་དོན་གྱི་གྲོང་ཚོ་རིམ་པའི་ཞབས་ཞུ་ས་ཚིགས་འཛུགས་སྐྲུན་བྱས་པའི་ནང་ལྕེ་བདེ་ཞོལ་གྱི་ས་ཚིགས་ཚོད་གཉེར་ཟླ་བ་གཉིས་བྱས་པ་ལས་མང་ཚོགས་ཀྱི་དྲ་ཞུགས་ཚོང་དོན་བསྡོམས་འབོར་སྒོར་18211ཟིན་ཡོད།

ད་ལྟ་དྲ་རྒྱ་དེ་མང་ཚོགས་ཕྱུག་འགྱུར་འབབ་འཕར་ཡོང་རྒྱུར་སྐུལ་འདེད་གཏོང་བའི་ཐབས་ལམ་གསར་པ་ཞིག་ཏུ་གྱུར་ཡོད། དེས་ན་གོང་དཀར་རྫོང་གིས་དོན་དངོས་དང་ཟུང་འབྲེལ་བྱས་ཏེ་གྲོང་གསེབ་ཀྱི་ཟོག་འགྲེམས་སྡེབ་སྐྱེལ་ཁ་གསབ་བྱ་ཐབས་བཟོས་ནས་དྲ་ཐོག་ཚོང་དོན་ཐོན་ལས་འཕེལ་རྒྱས་ལ་རྒྱབ་སྐྱོར་ཤུགས་ཆེན་བྱས་པ་དང་དེ་བཞིན་འབྲེལ་ཡོད་ཁེ་ལས་ལ་གྲོང་གསེབ་ཀྱི་ཟོག་འགྲེམས་སྡེབ་སྐྱེལ་དྲ་བ་འཛུགས་རོགས་བྱས་ནས་ཟོག་འགྲེམས་སྡེབ་སྐྱེལ་གྱི་མ་གནས་དང་ཞིང་འབྲོག་ཁུལ་གྱི་མང་ཚོགས་ཀྱི་དྲ་ཐོག་ཚོང་ཟོག་ཉོ་སྒྲུབ་ཀྱི་མ་གནས་ཆུང་དུ་བཏང་ཡོད།

ལོ་མང་འབད་བརྩོན་བྱས་པ་བརྒྱུད། གོང་དཀར་རྫོང་གི་དྲ་ཐོག་ཚོང་དོན་གྲོང་གསེབ་ཏུ་སྤེལ་བའི་རྣམ་གྲངས་ཀྱིས“བཟོ་ལས་ཐོན་རྫས་གཤམ་སྤེལ”དང“ཞིང་ལས་ཐོན་རྫས་དྲ་ཐོག་བྲིན་ཚོང”གཉིས་ལ་སྐུལ་འདེད་ཤུགས་ཆེན་ཐེབས་ནས་ཞིང་འབྲོག་པའི་ཕྱུག་འགྱུར་ལམ་བུ་གསར་པ་ཞིག་ཀྱང་འབྱེད་ཐུབ་པ་བྱུང་ཡོད།