འདི་ག་ཚགས་པར་ཁང་དུ་གནས་ཚུལ་འབྱོར་གསལ། ཉེ་དུས། ཚོང་དོན་ལམ་ལུགས་སྒྱུར་བཅོས་སྔར་བར་གཏིང་ཟབ་ཏུ་གཏོང་བ་དང་། ལས་དོན་སྒྲུབ་རིང་དང་བསྒྲུབས་རྗེས་ཀྱི་ལྟ་སྐུལ་དོ་དམ་ལ་ཤུགས་སྣོན་རྒྱག་པ། ཚོང་གཉེར་ཁོར་ཡུག་བཟང་པོ་ཞིག་གཏོད་པ་བཅས་བྱ་ཆེད། ངེད་གྲོང་ཁྱེར་བཟོ་ཚོང་ཁོངས་གཏོགས་ཀྱིས་གཅིག་གྱུར་ཐོག་2018ལོའི་སྐབས་བསྟུན་གཉིས་དང་ཡོངས་བསྒྲགས་གཅིག་གི་ལྟ་སྐུལ་དོ་དམ་ལས་དོན་བཀོད་སྒྲིག་དང་གསོ་སྦྱོང་སློབ་སྦྱོང་གི་ཚོགས་འདུ་འཚོགས་ནས་གྲོང་ཁྱེར་ཡོངས་ཀྱི་སྐབས་བསྟུན་གཉིས་དང་ཡོངས་བསྒྲགས་གཅིག་གི་ལྟ་སྐུལ་དོ་དམ་ལས་དོན་དངོས་སུ་སྤེལ་འགོ་ཚུགས་པ་རེད།

སྐབས་བསྟུན་གཉིས་དང་ཡོངས་བསྒྲགས་གཅིག་གི་ལྟ་སྐུལ་དོ་དམ་ལས་དོན་ནི་ཁྲོམ་རའི་བྱེད་པོ་སྐབས་བསྟུན་ངང་བདམས་པ་དང་སྐབས་བསྟུན་ངང་ཁྲིམས་འཛིན་མི་སྣ་བཀོད་སྒྲིག་བྱེད་པའི་སྐབས་བསྟུན་གཉིས་ཀྱི་འཐེན་བཤེར་བྱ་ཐབས་སྤྱད་དེ་ཁྲོམ་རའི་ལྟ་སྐུལ་དོ་དམ་གྱི་རྣམ་པ་སྔར་བས་གསར་གཏོད་བྱེད་པ་དང་བཟོ་ཚོང་དོ་དམ་འགན་ནུས་སྒྱུར་བའི་ནང་དོན་གལ་ཆེན་ཞིག་དང་མའཇུག་མཐུད་ཚད་གཞི་དམའ་བ་དང་དོ་དམ་ནན་པོར་ཤུགས་སྣོན་རྒྱག་པའི་བྱ་ཐབས་གལ་ཆེན་ཞིག་རེད། 2018ལོར་ངེད་་གྲོང་ཁྱེར་གྱིས་སྐབས་བསྟུན་གཉིས་དང་ཡོངས་བསྒྲགས་གཅིག་གི་གནས་གཏན་འཁེལ་དང་གནས་གཏན་འཁེལ་མིན་པའི་འཐེན་བཤེར་འཆར་གཞི་ལག་བསྟར་བྱས་ནས་ཁེ་ལས་དང་། ཁེར་རྐྱང་ཚོང་དུད། ཞིང་འབྲོག་པའི་ཆེད་ལས་མཉམ་ལས་ཁང་བཅས་ཀྱི་ལོ་ཧྲིལ་པོའི་འཐེན་བཤེར་བསྡུར་ཚད་གྱི་བརྒྱ་ཆ་5ཡི་དམིགས་ཚད་ལོན་པ་བྱ་རྒྱུ་ཡིན་པ་རེད།