ཀྲུང་གོའི་བོད་སྐད་རླུང་འཕྲིན་དྲ་བའི་ཐོག་གནས་ཚུལ་སྤེལ་བར་གཞིགས་ན། ཉེ་དུས། རྒྱལ་ཡོངས་ལྕགས་ལམ་སྡེ་ཁག་གིས་སྔོན་དཔག་བྱས་ན་འགྲུལ་པ་མི་ཐེངས་ས་ཡ་9དང་9འབུམ་སྐྱེལ་རྒྱུ་ཡིན་པ་དང་འགྲུལ་སྐྱེལ་མེ་འཁོར་888སྣོན་གཏོང་བྱེད་རྒྱུ་ཡིན་པ་རེད། ཝུ་ཧན་ཅུད་ཀྱིས་སྤྱི་པའི་འགྲིམ་འགྲུལ་སྡེ་ཁག་དང་མཐུན་སྦྱོར་བྱས་ནས་ཉིན་རེའི་མཚན་མོ་མཚན་སྐྱོད་མེ་འཁོར་ཐེངས་གྲངས་17བཏང་ནས་འགྲུལ་པ་ཚོ་མཚན་མོའི་མྱུར་བགྲོས་མེ་འཁོར་བསྡད་ནས་ཁྱིམ་ལ་ལོག་རྒྱུར་སྟབས་བདེ་སྐྲུན་རྒྱུ་ཡིན་པ་རེད། ནན་ཉིང་ཅུད་ཀྱིས་གོང་ཞི་པེ་སེ་སོགས་མྱུར་བགྲོས་ལྕགས་ལམ་བབ་ཚུགས་སུ་ལིང་ཡུན་སོགས་རྫོང་11ལ་སྐྱོད་མཁན་མཐུད་རྒྱུགས་རླངས་འཁོར་བཏང་ནས་འགྲུལ་པ་ཁྱིམ་ལ་ལོག་རྒྱུའི་མཐའ་མཇུག་གི་སྤྱི་ལེ་གཅིག་སྐྱོད་རྒྱུའི་གནད་དོན་ཐག་གཅོད་བྱ་རྒྱུ་ཡིན་པ་རེད།
ཇི་ནན་ནུབ་ངོས་བབ་ཚུགས་ཀྱིས་དོ་དམ་བྱེད་ཁུལ་ནང་གི་མྱུར་བགྲོས་ལྕགས་ལམ་བབ་ཚུགས་ཀྱི་འགྲུལ་པ་སྒུག་ཁུལ་ལྔའི་སྤྱི་པའི་གསང་གཅོད་ནང་གི་ལག་འཁྲུའི་ཞོང་པ་93གྱི་ཆུ་ཚ་པོ་བཟོས་ཡོད་པ་རེད། ཁྲང་ཁྲུན་བབ་ཚུགས་ཀྱིས་མེ་འཁོར་ནང་གི་རྐུབ་སྟེགས་མཁྲེགས་པོ་རྣམས་རང་སྒུལ་འཕུར་མཉེས་ནུས་པ་ལྡན་པའི་ཧྲ་ཧྥ་ལ་སྒྱུར་ཡོད་པ། ཐེ་ཡོན་དང་ནན་ཁྲང་སོགས་མེ་འཁོར་བབ་ཚུགས་ཀྱིས་དེ་ནས་བརྒྱུད་འགྲོ་བའི་མེ་འཁོར་དང་ཞབས་ཞུ་མཉམ་སྒུལ་བྱེད་པའི་སྒྲིག་གཞི་བཙུགས་ནས་རྒན་རྒོན་དང་བྱིས་པ། ནད་པ། དབང་པོ་སྐྱོན་ཅན། སྦྲུམ་མ་སོགས་གཙོ་གནད་འགྲུལ་པར་མཁོ་བའི་རོགས་སྐྱོར་ཆ་འཕྲིན་དུས་ཐོག་ཏུ་བརྗེ་རེས་བྱེད་རྒྱུ་ཡིན་པ་རེད།