(པར་ངོས་དང་པོར་མཐུད) ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་སྤྱི་ཚོགས་རིང་ལུགས་ཀྱི་དགོངས་པས་ཏང་གི་མཛུབ་སྟོན་བསམ་བློ་གཏན་འཁེལ་བྱས་ནས་ཏང་དང་རྒྱལ་ཁབ་ཀྱི་རྗེས་སོར་འཕེལ་རྒྱས་ལ་ཁ་ཕྱོགས་གསལ་པོ་བསྟན་ཡོད།ང་ཚོས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ལྷུན་རྩེའི་ཡུལ་སྨད་ཤང་གི་སྒྲོལ་དཀར་དང་གཡང་འཛོམས་གཅེན་གཅུང་ལ་བསྐུར་གནང་མཛད་པའི་ཡིག་ལན་འབྱོར་བ་དང་།མི་རིགས་ཁག་གི་མང་ཚོགས་ལ་སྐུལ་ལྕག་ཆེན་པོ་ཐེབས་པ་མ་ཟད་མཐའ་མཚམས་བརྟན་སྲུང་དང་འཕེལ་རྒྱས་ཡག་པོ།འཛུགས་སྐྲུན་ཡག་པོ་བྱེད་པའི་ཧུར་སེམས་དེ་བས་ཇེ་ཆེར་སོང་ཡོད་པ་རེད་ཅེས་གསུངས།
ཞུས་ཁྲེང་ཚང་གིས་རྒྱ་ཆེའི་ལས་འཁྱུར་ལས་བྲལ་ལས་བྱེད་རྒན་གྲས་དང་བློ་མཐུན་རྒན་གྲས་ནི་ཏང་དང་རྒྱལ་ཁབ་ཀྱི་གཅེས་ནོར་ཡིན་པ་དང་།ཀྲུང་གོའི་ཁྱད་ཆོས་སྤྱི་ཚོགས་རིང་ལུགས་ཀྱི་རླབས་ཆེའི་བྱ་གཞག་གི་སྟོབས་ཤུགས་གལ་ཆེན་ཞིག་ཡིན།གྲོང་ཨུད་དང་གྲོང་ཁྱེར་སྲིད་གཞུང་གིས་ལས་བྱེད་རྒན་གྲས་ཀྱི་སྲིད་ཇུས་ཁག་ལག་བསྟར་དོན་འཁྱོལ་ནན་ཏན་བྱས་ཏེ་སྔར་བས་ཆབ་སྲིད་ཐད་བརྩི་འཇོག་དང་།བསམ་བློའི་ཐད་དོ་ཁུར།འཚོ་བའི་ཐད་ལྟ་རྟོག་བཅས་བྱས་ཐོག་ཚང་མར་རྒས་དུས་འཚོ་རྟེན་ཡོད་པ་དང་རྒས་ཀྱང་སྨན་བཅོས་ཡོད་པ།རྒས་དུས་བསླབ་རྒྱུ་ཡོད་པ།རྒས་ཀྱང་བདེ་སྐྱིད་ཡོད་པ།རྒས་ཀྱང་བྱས་རྗེས་འཇོག་ཐུབ་པ་བྱེད་དགོས་ཞེས་དང་།ཁྱེད་ཚོས་མུ་མཐུད་ཆབ་སྲིད་ཤོད་པ་དང་།སྤྱི་ཡོངས་ལ་ལྟ་རྟོག་བྱས་ཏེ་ལས་གནས་ལས་བྲལ་བྱས་རུང་ཏང་ལས་མི་བྲལ་བ་དང་།ཐོག་མཐའ་བར་གསུམ་དུ་སྲོག་ཤིང་གི་སྣེ་ཁྲིད་པ་དང་། ཏང་གི་བྱ་གཞག་འཛུགས་སྐྲུན་བྱེད་མཁན།ཁྱོན་ཡོངས་ལ་ཞབས་འདེགས་ཞུ་བའི་ལག་ལེན་པ་བཅས་བྱེད་དགོས་པའི་ཐུགས་རེ་གནང་།
ཞུས་ཁྲེང་ཚང་གིས་རྒྱ་ཆེའི་ལས་འཁྱུར་ལས་བྲལ་ལས་བྱེད་རྒན་གྲས་དང་བློ་མཐུན་རྒན་གྲས་ཀྱིས་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་སྤྱི་ཚོགས་རིང་ལུགས་ཀྱི་དགོངས་པར་སློབ་སྦྱོང་ནན་ཏན་བྱེད་དགོས་པ་དང་།དགོངས་པ་དེའི་གལ་ཆེའི་ཆབ་སྲིད་དོན་སྙིང་དང་རིགས་གཞུང་དོན་སྙིང་།ལག་ལེན་དོན་སྙིང་བཅས་ལ་གོ་བ་ཟབ་མོ་ལེན་དགོས་པ་དང་།ཆབ་སྲིད་ལ་སྣང་ཆེན་གྱིས་མཐའ་གཅིག་ཏུ་སྲོག་ཤིང་ལ་གོང་བཀུར་དང་ཡིད་ཆེས།ལྷག་བསམ་རྣམ་དག་དང་སྲུང་སྐྱོབ་བཅས་བྱེད་དགོས།ནུས་ཤུགས་ལྷག་མ་སྐྱེས་སུ་འབུལ་ཏེ་མུ་མཐུད་ལྷོ་ཁའི་བྱ་གཞག་ཁག་འཕེལ་རྒྱས་གཏོང་བར་ཐབས་འདོན་ཇུས་འབུལ་བྱེད་དགོས་པ་བཅས་ཀྱི་བླང་བྱ་བཏོན་གནང་ངོ་།