འདི་ག་ཚགས་པར་ཁང་དུ་གནས་ཚུལ་འབྱོར་གསལ།ཉེ་དུས།ཟངས་རི་རྫོང་གི་བཟའ་བཅའ་དང་སྨན་རྫས་ལྟ་སྐུལ་ཅུད་ཀྱིས་དུས་ཆེན་གོང་ལ་བཟའ་བཅའི་བདེ་འཇགས་ལ་ཆེད་དོན་ཞིབ་བཤེར་བྱས་པ་དང་།སྔར་བས་དཔྱིད་གསར་དུས་ཆེན་དང་བོད་ཀྱི་ལོ་གསར་རིང་བཟའ་བཅའི་བདེ་འཇགས་ལས་དོན་ལ་ཤུགས་སྣོན་བརྒྱབ་པས།ཞིང་འབྲོག་མང་ཚོགས་ཀྱིས་བློ་བདེ་བག་ཕེབས་ངང་ལོ་གསར་དགའ་གཏོང་ཐུབ་རྒྱུར་འགན་ལེན་བྱས་ཡོད་པ་རེད།

ད་ཐེངས་ཀྱི་ཞིབ་བཤེར་ནང་།ས་ཁོངས་ནང་གི་ཚོང་ཁང་དང་ཟ་ཁང་། བཟའ་རིགས་ལས་སྣོན་ཁང་ཆུང་གྲས་བཅས་དང་།འབྲས་དང་རྩམ་པ།འཐུང་བྱའི་རིགས།བྱེ་རིལ།ཏན་ཞིམ་སོགས་དགོས་མཁོ་ཆེ་བའི་བཟའ་བཅའི་རིགས་ཀྱི་ཚོང་ཟོག་འཐེན་འདྲེན་ཡོང་ཁུངས་དང་།ཐོན་རྫས་ཀྱི་སྤུད་ཚད། འཕྲོད་བསྟེན་ཁོར་ཡུག་བཅས་ལ་ཞིབ་བཤེར་བྱས་པ་རེད།

ཤེས་རྟོགས་བྱུང་བར་གཞིགས་ན།བཟའ་བཅའི་རིགས་ཀྱི་ཚོང་ཁང་125ལ་ཞིབ་བཤེར་བྱས་པ་བརྒྱུད།སྔར་བས་བཟའ་བཅའི་ཁྲོམ་རའི་གཉེར་སྐྱོང་ཚད་ལྡན་དུ་འགྱུར་བ་བྱས་ཐོག བདེ་འཇགས་མ་ཡིན་པ་དང་ཚད་གཞི་མ་ལོན་པའི་བཟའ་བཅའི་རིགས་ལ་བཀག་འགོག་བྱས་ཡོད་པ་རེད།

(ལོ་ཡག་མཚམས་གཅོད་ཀྱིས་བསྒྱུར)