འདི་ག་ཚགས་པར་ཁང་དུ་གནས་ཚུལ་འབྱོར་གསལ།ཉེ་དུས།དཔྱིད་གསར་དང་བོད་ཀྱི་ལོ་གསར་འཆར་ཉེའི་མཚམས་འདིར།ངེད་གྲོང་ཁྱེར་གྱིས་རྩེད་ཐང་དུ་ཡོད་པའི་ལས་འཁྱུར་ལས་བྲལ་ལས་བྱེད་རྒན་གྲས་ཀྱི་ལོ་གསར་གྱི་མཉམ་སྤྲོ་འཚོགས་པ་དང་།རང་སྐྱོང་ལྗོངས་མི་དམངས་འཐུས་ཚོགས་རྒྱུན་ལས་ཨུ་ལྷན་གྱི་ཀྲུའུ་རེན་གཞོན་པ།གྲོང་ཨུད་ཧྲུའུ་ཅི་ཞུས་ཁྲེང་ཚང་།གྲོང་ཨུད་ཧྲུའུ་ཅི་གཞོན་པ།གྲོང་སྤྱི་ཕུར་བུ་དོན་གྲུབ་སོགས་གྲོང་ཁྱེར་འགོ་ཁྲིད་ཀྱིས་ལས་འཁྱུར་ལས་བྲལ་ལས་བྱེད་རྒན་གྲས་དང་ལྷན་འཛོམས་གནང་ནས་ཕན་ཚུན་རྟེན་འབྲེལ་ཞུས་པ་དང་།མཉམ་དུ་ལྷོ་ཁའི་འཕེལ་རྒྱས་གླེང་བ་རེད།
གྲོང་ཁྱེར་མི་དམངས་འཐུས་ཚོགས་རྒྱུན་ལས་ཨུ་ལྷན་གྱི་ཀྲུའུ་རེན་ཝང་ཏེ་ཝུན་དང་།གྲོང་ཨུད་རྒྱུན་ཨུ།རྩ་འཛུགས་པུའུ་ཀྲང་ཀྲང་ཏིང་ཁྲེང་གིས་མཉམ་དུ་འཚམས་འདྲིར་ཞུགས་པ་རེད།
ཞུས་ཁྲེང་ཚང་གིས་གྲོང་ཨུད་དང་གྲོང་ཁྱེར་མི་དམངས་འཐུས་ཚོགས།གྲོང་ཁྱེར་སྲིད་གཞུང་དང་གྲོང་ཁྱེར་སྲིད་གྲོས་ཀྱི་ཚབ་ཞུས་ནས་ལས་བྱེད་རྒན་གྲས་དང་བློ་མཐུན་རྒན་གྲས་ལ་འཚམས་འདྲི་ཞུས་གནང་བ་དང་ཆབས་ཅིག་ཁོང་རྣམ་པ་བརྒྱུད་གྲོང་ཁྱེར་ཡོངས་ཀྱི་ལས་འཁྱུར་ལས་བྲལ་གྱི་བློ་མཐུན་རྒན་གྲས་ལ་དུས་ཆེན་གྱི་འཚམས་འདྲི་དང་ལོ་གསར་གྱི་སྨོན་ཚིག་ཞུས་གནང་བ་རེད།
ཞུས་ཁྲེང་ཚང་གིས་ལས་བྱེད་རྒན་གྲས་དང་བློ་མཐུན་རྒན་གྲས་རྣམས་ལ་ངེད་གྲོང་ཁྱེར་གྱི་སྒྱུར་འཕེལ་བརྟན་གསུམ་གྱི་ལས་དོན་ཁག་ངོ་སྤྲོད་ཞུས་གནང་བ་དང་།ཁོང་གིས།འདས་ཟིན་པའི་2017ལོ་ནི་ང་ཚོའི་ཏང་དང་རྒྱལ་ཁབ་ལོ་རྒྱུས་ཐོག་གི་གལ་ཆེའི་དོན་སྙིང་ལྡན་པའི་ལོ་ཞིག་ཡིན་པས།ཏང་གི་ཚོགས་ཆེན་བཅུ་དགུ་རྒྱལ་ཁའི་ངང་སྐོང་འཚོགས་བྱས་པ་དང་།སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་སྲོག་ཤིང་གནང་བའི་སྐབས་གསར་པའི་ཏང་ཀྲུང་དབྱང་འགོ་ཁྲིད་ཚན་ཁག་འདེམས་བསྐོ་བྱས་ཏེ་ (པར་ངོས་གསུམ་པར་གཟིགས)