འདི་ག་ཚགས་པར་ཁང་དུ་གནས་ཚུལ་འབྱོར་གསལ།2017ལོ་ཚུན་དུ། ངེད་གྲོང་ཁྱེར་གྱིས་དོན་དངོས་ལ་གཞི་ཚུགས་པ་དང་ཁྱད་ལྡན་ཐོན་ལས་གོང་འཕེལ་གཏོང་རྒྱུར་དམ་འཛིན་བྱས་ཏེ་གུང་དཀར་ཟངས་ཆས་ལས་སྣོན་ཐོན་ལས་སྐུལ་འདེད་རྣམ་གྲངས་ལག་བསྟར་བྱས་པ་དང་། འཕྱོངས་རྒྱས་ཆང་ཁྱིམ་ཆང་ལས་སྣོན་རྣམ་གྲངས་ཀྱི་དུས་འགོའི་བརྟག་ཞིབ་དང་རིག་པས་ཁུངས་སྐྱེལ་ལས་དོན་ཧུར་ཐག་སྤེལ་བར་གྲུབ་འབྲས་བཟང་པོ་ཐོན་ཡོད་པ་རེད།

ཤེས་རྟོགས་བྱས་པར་གཞིགས་ན། གུང་དཀར་གྱི་ཟངས་ཆས་ལས་སྣོན་ཐོན་ལས་སྐུལ་འདེད་རྣམ་གྲངས་ལ་ཁྱོན་མ་དངུལ་སྒོར་ཁྲི་ཚོ་1003ལྷག་ཙམ་བཏང་ནས་2017ལོའི་ཟླ་10པར་སྐྲུན་འགོ་ཚུགས་པ་དང་། 2018ལོའི་ཟླ་བ་7 པར་ལས་མཇུག་སྒྲིལ་ནས་རྩིས་སྤྲོད་ཐུབ་བཟོ་ཡོད།

འཕྱོངས་རྒྱས་ཆང་ཁྱིམ་ཆང་ལས་སྣོན་རྣམ་གྲངས་ཀྱི་ལག་བསྟར་ཇུས་གཞི་བཟོས་ཟིན་པ་དང་། གཞན་ཡང་ངེད་གྲོང་ཁྱེར་གྱིས་མཐུད་འཛུགས་རྣམ་གྲངས་དམ་འཛིན་བྱས་ཏེ་སྣེ་གདོང་རྩེད་ཐེར་ཐོན་ལས་རྣམ་གྲངས་དང་ཆུ་གསུམ་གྱི་བོད་སྨན་སྨན་རྒྱུའི་རྣམ་གྲངས་གཉིས་ལ་འཛུགས་སྐྲུན་བྱེད་རྒྱུར་སྐུལ་འདེད་བཏང་བའི་ནང་། སྣེ་གདོང་རྩེད་ཐེར་རྣམ་གྲངས་ཐད་མ་འཇོག་བྱེད་ཚད་བརྒྱ་ཆ་75 ཟིན་པ་དང་ཆུ་གསུམ་རྫོང་གི་བོད་སྨན་སྨན་རྒྱུ་འདེབས་འཛུགས་རྣམ་གྲངས་དེང་སྐབས་ཁྱོན་ཡོངས་ནས་ལས་འགོ་ཚུགས་པ་བཅས་རེད།