འདི་ག་ཚགས་པར་ཁང་དུ་གནས་ཚུལ་འབྱོར་གསལ།བོད་རང་སྐྱོང་ལྗོངས་གཞུང་ཁོངས་རྒྱུ་ནོར་ལྟ་སྐུལ་དོ་དམ་ཨུ་ལྷན་དང་ཡུལ་སྐོར་གསར་སྤེལ་སྡེ་ཚན་གཉིས་ཀྱིས་ལོ་ཕྱེད་རིང་གྲ་སྒྲིག་བྱས་པ་བརྒྱུད། གཞུང་ཁོངས་ཁེ་ལས་ཁག་གཅིག་བསྐྱར་འཛུགས་བྱས་ཏེ་བོད་ལྗོངས་རྒྱལ་སྤྱིའི་ཡུལ་སྐོར་རིག་གནས་མ་འཇོག་ཚོགས་པ་ཚད་ཡོད་ཀུང་སི་བཙུགས་པ་དང་། ཁྱད་ལྡན་ཡུལ་སྐོར་དང་རིག་གནས་ཐོན་ལས་གསར་སྤེལ་བྱེད་འགོ་ཚུགས་པ་རེད།

ཉེ་ཆར། བོད་ལྗོངས་རྒྱལ་སྤྱིའི་ཡུལ་སྐོར་རིག་གནས་མ་འཇོག་ཚོགས་པ་ཚད་ཡོད་ཀུང་སིའི་ཡོལ་ཁེབས་ཕྱེ་བ་རེད། ཀུང་སི་དེས་བོད་རང་སྐྱོང་ལྗོངས་སྲིད་གཞུང་གཞུང་ཁོངས་རྒྱུ་ནོར་ལྟ་སྐུལ་དོ་དམ་ཨུ་ལྷན་དང་ཡུལ་སྐོར་གསར་སྤེལ་ཨུ་ལྷན་གྱི་དེ་སྔའི་ཁོངས་གཏོགས་ཀྱི་ཁེ་ལས་10བསྐྱར་འཛུགས་བྱས་ཤིང་། བོད་རང་སྐྱོང་ལྗོངས་ཀྱིས་དོ་དམ་བྱེད་པའི་རིམ་པ་དང་པོའི་གཞུང་ཁོངས་མ་རྩ་ཁེར་འཇོག་ཁེ་ལས་ཡིན་པ་དང་། བོད་རང་སྐྱོང་ལྗོངས་ཀྱིས་ཐོ་འགོད་མ་དངུལ་སྒོར་དུང་ཕྱུར་5མང་དུ་བཏང་བས་མ་རྩ་བསྡོམས་འབོར་སྒོར་དུང་ཕྱུར་10ཙམ་ཟིན་ཡོད། ཀུང་སིའི་རྐང་དབང་བརྒྱ་ཆ་100བོད་རང་སྐྱོང་ལྗོངས་སྲིད་གཞུང་གཞུང་ཁོངས་རྒྱུ་ནོར་ལྟ་སྐུལ་དོ་དམ་ཨུ་ལྷན་ལ་དབང་ཡོད་པ་རེད།

བསྐྱར་འཛུགས་བྱས་པའི་ཉིན་དེར་ཀུང་སི་དེས་བོད་དུ་ཡོད་པའི་དངུལ་རྩའི་སྒྲིག་གཞི་དང་། ཚན་ཞིབ་ཚན་པ། ཁེ་ལས་ཆེ་གྲས་བཅས་ཁག་གཅིག་དང་མཉམ་དུ་འཐབ་ཇུས་མཉམ་ལས་ཀྱི་གྲོས་མཐུན་ལ་མིང་རྟགས་བཀོད་པ་དང་། གྲོས་མཐུན་གྱི་ཡིད་རྟོན་ཐོབ་པའི་དངུལ་གྲངས་སྒོར་དུང་ཕྱུར་150ཙམ་ཟིན་ཡོད།

བོད་རང་སྐྱོང་ལྗོངས་ཡུལ་སྐོར་ （པར་ངོས་གསུམ་པར་གཟིགས）