བོད་ལྗོངས་ཉིན་རེའི་ཚགས་པར་ཐོག་གནས་ཚུལ་སྤེལ་བ་གཞིར་བཟུང་། སློབ་གསོ་པུའི་པུའུ་ཀྲང་གཞོན་པ་ཐེན་ཞུའེ་ཅུན་གྱིས་ཉེ་ཆར་རྒྱལ་སྲིད་སྤྱི་ཁྱབ་ཁང་གསར་འགྱུར་གཞུང་ལས་ཁང་གིས་གཉེར་བའི་གསར་འགྱུར་ཡོངས་བསྒྲགས་ཚོགས་འདུའི་ཐོག་སློབ་གསོ་པུས་ཕྱོགས་ལྔའི་བྱེད་ཐབས་ལ་བརྟེན་ནས“བྱིས་པར་སྐྱོང་མཁན་ཡོད་པའི”ཐད་འཕེལ་རིམ་གསར་པ་ཡོང་བ་བྱ་རྒྱུ་རེད་ཅེས་བཤད་པ་རེད།
ཐེན་ཞུའེ་ཅུན་གྱིས་བུ་བཅོལ་ཁང་ནང་བྱིས་པར་མནར་གཅོད་གཏོང་བའི་གནད་དོན་ཐོན་པ་ལས་ས་གནས་ཁག་གཅིག་དང་བུ་བཅོལ་ཁང་ལ་ལའི་དོ་དམ་ཡག་པོ་མེད་པ་དང་། ལམ་ལུགས་དོན་འཁྱོལ་མི་བྱེད་པ། ལག་བསྟར་དོན་ཐོག་ཏུ་མི་འཁྱོལ་བ་བཅས་ཀྱི་གནད་དོན་སྔར་བཞིན་གནས་པ་གསལ་པོ་མཐོང་ཐུབ། གནད་དོན་ཐོན་རྗེས་རྒྱལ་སྲིད་སྤྱི་ཁྱབ་ཁང་སློབ་གསོ་ལྟ་སྐུལ་ཨུ་ལྷན་གཞུང་ལས་ཁང་གིས་འཕྲལ་མར་ཛ་དྲག་བརྡ་ཐོ་བཏང་ནས། ས་གནས་ཁག་ལ་བུ་བཅོལ་ཁང་ཚད་ལྡན་གཉེར་བའི་ཆེད་དོན་ལྟ་སྐུལ་ཞིབ་བཤེར་བཀོད་སྒྲིག་བྱས་པ་དང་སྦྲགས། ལྟ་སྐུལ་ཞིབ་བཤེར་ཚོགས་ཆུང་ས་གནས་ཁག་ཏུ་འཐེན་བཤེར་བྱེད་པར་བཏང་བ་རེད། གཙོ་བོ་དགེ་རྒན་གྱི་ཀུན་སྤྱོད་དང་སྤྱོད་ཚུལ་འཛུགས་སྐྱོང་སོགས་ཀྱི་གནས་ཚུལ་ལ་ཞིབ་བཤེར་བྱས་ཏེ་ཆེས་དོན་དངོས་དང་ཆེས་ནན་པའི་བྱེད་ཐབས་སྤྱད་དེ་བུ་བཅོལ་ཁང་ནང་བྱིས་པར་གནོད་འཚེ་གཏོང་བའི་
（པར་ངོས་གསུམ་པར་གཟིགས）
