ཁོད་སྙོམས་ཤིང་ངོས་གཙང་བའི་གྲོང་ཚོའི་ལམ་བུ་འདེད་དེ་གསར་འགོད་པས་མཚོ་སྣ་རྫོང་མག་མང་ཤང་དུ་འབྱོར། དེས་ན་ས་མཐོའི་ཡུལ་ལུང་གཞན་དང་མི་འདྲ་བར་རི་ཀླུང་མ་ལུས་ཤིང་ནགས་ཚལ་གྱིས་བཏུམས་ནས་ཡོད་པ་དང་། གནམ་གཤིས་དྲོ་གྲང་སྙོམས་པ་ལ་སྐྱེ་འགྲོ་གནས་ཟོས་བདེ་བའི་ཞིང་ཁམས་ལྟ་བུར་སྣང་།

ལོ་ངོ་སྟོང་ཕྲག་བརྒལ་བའི་ཤིང་སྡོང་དཔངས་ཆེ་བ་དང་སྨྱུག་མའི་ཚལ་གྱིས་ཁེངས་པའི་གདོད་མའི་ནགས་སུ་བསྐྱོད་ཚེ། ནགས་གསེབ་ནས་སྤྲེལ་མང་པོའི་སྐད་སྙན་སྒྲོགས་པ་དང་རི་གཟར་འབབ་ཆུས་གྲོག་རོང་དང་སྡེབས་ནས་ལྷུང་དུ་རྒྱུགས་པས་ཟེགས་མའི་ཁྲོད་ཡིད་འོང་མཛེས་ལྗོངས་རྨི་ལམ་ལྟ་བུར་རྨིས་བཞིན་འདུག

2014ལོར་མཚོ་སྣ་རྫོང་གིས་ས་ཨུད་དང་སྲིད་འཛིན་ཀུང་ཧྲུའུ་ཡིས་བཏོན་པའི་ས་ཚིགས་གཉིས་དང་། ཁུལ་གཉིས། གྲོང་རྡལ་གཅིག་བཅས་ལྡན་པ་སྟེ། མག་མང་ཤང་མག་མག་གྲོང་ཚོ་འདི་ཉིད་སྐྱེ་ཁམས་ཤེས་དཔལ་གྱི་འབྱོར་འབྲིང་དཔེ་སྟོན་གྲོང་ཚོའི་ས་ཚིགས་ཤིག་དང་མཛེས་སྡུག་ལྡན་པའི་ཤང་གྲོང་འཛུགས་སྐྱོང་གི་དཔེ་སྟོན་ས་ཚིགས་ཤིག མོན་པ་རིག་གནས་ཀྱི་དཔེ་སྟོན་ཁུལ་ཤིག་དང་མི་འབོར་ཅུང་ཉུང་བའི་མི་རིགས་འཕེལ་རྒྱས་ཀྱི་དཔེ་སྟོན་ཁུལ་ཞིག དེ་བཞིན་ཁྱད་ལྡན་སྐྱེ་ཁམས་ཡུལ་སྐོར་གྲོང་ཁྱེར་གྲོང་རྡལ་ཆུང་གྲས་ཤིག་བཅས་ཀྱི་སྤྱི་ཡོངས་རེ་འདུན་གཞིར་བཟུང་ཕྱོགས་ཡོངས་ནས་མག་མང་ཤང་མོན་པའི་སྐྱེ་ཁམས་ཤེས་དཔལ་གྱི་འབྱོར་འབྲིང་དཔེ་སྟོན་གྲོང་ཚོ་ཞིག་བསྐྲུན་རྒྱུར་སྐུལ་སྤེལ་བཏང་ཡོད་པ་རེད།

ཤང་དེའི་ཤང་ཀྲང་པད་མ་དབྱངས་ཅན་གྱིས་བརྗོད་དོན། རྣམ་གྲངས་ཀྱིས་གྲོང་གསེབ་གསར་པའི་འཛུགས་སྐྲུན་ཁོངས་ཀྱི་ （པར་ངོས་གསུམ་པར་གཟིགས）