འདི་ག་ཚགས་པར་ཁང་དུ་གནས་ཚུལ་འབྱོར་གསལ།ཉེདུས། མཐོ་སློབ་སློབ་ཐོན་སློབ་མའི་ལས་ཞུགས་འདུ་ཤེས་ལ་སྔར་བས་འགྱུར་ལྡོག་གཏོང་བ་དང་གཉིས་གཏོད་ཁེ་ལས་ལ་སྐུལ་འདེད་གཏོང་ཆེད། ཉེ་ཆར་སྣ་དཀར་རྩེ་རྫོང་གི་སྐབས་དང་པོའི་མཐོ་སློབ་སློབ་ཐོན་སློབ་མའི་ལས་གཏོད་གསོ་སྦྱོང་འཛིན་གྲྭ་ལྷ་སར་གཉེར་བ་རེད།
ཤེས་རྟོགས་བྱུང་བར་གཞིགས་ན། ད་ཐེངས་ཀྱི་དུས་ཡུན་ཉིན་བཅུའི་གསོ་སྦྱོང་འཛིན་གྲྭར་ཁྱོན་སློབ་མ་30ཞུགས་ཡོད་པ་རེད། གསོ་སྦྱོང་བྱེད་རིང་ལས་གཏོད་མཛུབ་ཁྲིད་དགེ་རྒན་གྱིས་མཐོ་སློབ་སློབ་ཐོན་སློབ་མའི་ལས་གཏོད་ཁྲལ་བསྡུའི་སྲིད་ཇུས་དང་ལས་གཏོད་བྱ་དགའ་སྤྲོད་པའི་སྲིད་ཇུས་གསལ་འགྲེལ་བྱེད་པའི་ཐབས་ལ་བརྟེན་ནས་ཁེ་ལས་ཆུང་གྲས་དང་ཆེས་ཆུང་གྲས་ཀྱི་ལས་རིམ་དང་གཉེར་སྐྱོང་དོ་དམ་བྱ་ཐབས་འགྲེལ་བཤད་བརྒྱབ་པ་དང་ལམ་ལྷོངས་བྱུང་བའི་ལས་གཏོད་གནས་ཚུལ་ངོ་སྤྲོད་བྱས་ནས་སློབ་མ་ཚོར་ལས་གཏོད་ཤེས་བྱ་ཁྱབ་གདལ་བཏང་བ་མ་ཟད། ཁོང་ཚོར་ཁེ་ལས་ཀྱི་འཁོར་རྒྱུག་ལས་རིམ་ཤེས་སུ་བཅུག་པ་དང་འབྲེལ་སློབ་མ་ཚོར་ཁེ་ལས་བཙུགས་རྗེས་ཁུར་དགོས་པའི་བཅའ་ཁྲིམས་འགན་འཁྲི་དང་སྤྱི་ཚོགས་འགན་འཁྲི་དེ་བས་མང་བ་ཤེས་སུ་བཅུག་པ་རེད།