ཟླ་9ཚེས་1ཉིན་ནས་བཟུང་ཀྲུང་གོ་དང་སུའེ་ཙེར་གྱི་འགག་སྒོ་

ལས་ཁུངས་ཀྱིས་AEOཕན་ཚུན་ཁས་ལེན་བྱ་རྒྱུ་ཡིན་པ།

མི་དམངས་ཉེ་རེའི་ཚགས་པར་ཐོག་གནས་ཚུལ་སྤེལ་བར་གཞིགས་ན།ཉེ་དུས་གསར་འགོད་པས་འགག་སྒོ་སྤྱི་ཁྱབ་ཧྲུའུ་ནས་ཤེས་རྟོགས་བྱུང་བར།ཀྲུང་གོ་དང་སུའེ་ཙེར་གྱི་འགག་སྒོ་ལས་ཁུངས་ཀྱིས་ཟླ་9ཚེས་1ཉིན་ནས་བཟུང་AEOཕན་ཚུན་ཁས་ལེན་བྱ་རྒྱུ་ཡིན་པ་དང་།ཕྱོགས་གཉིས་པོས་དཔང་བདེན་ར་སྤྲོད་བྱས་རྗེས་ཁེ་ལས་ཀྱིས་འགག་སྒོར་ལས་སྒོ་གཉེར་སྐབས་ཕར་ཕྱོཌ་ཀྱི་འགག་སྒོས་འགག་སྒོ་སྒྲོལ་བར་སྐྲུན་པའི་སྟབས་བདེ་ལོངས་སུ་སྤྱད་ཆོག་གི་ཡོད།

AEOནི་དཔང་བདེན་ར་སྤྲོད་བྱས་རྗེས་ཀྱི་གཉེར་སྐྱོང་བ་ཞེས་པའི་དབྱིན་ཡིག་གི་བསྡུས་མིང་རེད།རྒྱལ་སྤྱིའི་ཀུན་སྤྱོད་སྒྲིག་སྲོལ་ལྟར་ན།འགག་སྒོས་ཡིད་རྟོན་གནས་ཚུལ་དང་།ཁྲིམས་སྲུང་ཚད་གཞི།བདེ་འཇགས་དོ་དམ་བཅས་ཡག་པོ་ཡོད་པའི་ཁེ་ལས་ལ་དཔང་བདེན་ར་སྤྲོད་དང་ཁས་ལེན་བྱེད་པ་དང་དཔང་འདོན་ར་སྤྲོད་ཐོབ་རྗེས་ཀྱི་ཁེ་ལས་ལ་འགག་སྒོ་སྒྲོལ་སྐབས་གཟིགས་སྐྱོང་དང་སྟབས་བདེ་སྐྲུན་གྱི་ཡོད།

ཤེས་རྟོགས་བྱུང་བར་གཞིགས་ན།སུའེ་ཙེར་ཕུད།ཀྲུང་གོའི་འགག་སྒོ་ལས་ཁུངས་ཀྱིས་ཡོ་རོབ་མནའ་འབྲེལ་དང་།སིང་ཀ་ཕོར།ཧན་གོནེའུ་ཙི་ལན་བཅས་དངAEOཕན་ཚུན་ཁས་ལེན་བྱུང་བ་དང་།ནང་ས་དང་ཤང་ཀང་དབར་ཡང་འབྲེལ་ཡོད་ཀྱི་བཀོད་སྒྲིག་བྱས་ཡོད།མིག་སྔར་ཀྲུང་གོའི་འགག་སྒོ་ལས་ཁུངས་ཀྱིས་ཨ་རི་དང་།རི་པིན།ཨོ་སི་ཁྲུ་ལི་ཡ་སོགས་ཉོ་ཚོང་རྒྱལ་ཁབ་གཙོ་བོ་དང་།ཨུ་རུ་སུ་དང་།ཧ་སག་སི་ཐན།མ་ལེ་ཞི་ཡ།དབྱི་སི་རལ།ལྷོ་ཨ་ཧྥེ་རི་ཁ་སོགས་རྒྱུད་གཅིག་ལམ་གཅིག་གི་ལམ་རྒྱུད་ཀྱི་འབྲེལ་ཡོད་རྒྱལ་ཁབ་ཀྱི་འགག་སྒོ་ལས་ཁུངས་དངAEOཕན་ཚུན་ཁས་ལེན་དང་མཉམ་ལས་གང་མགྱོགས་བྱེད་བཞིན་ཡོད་པས།རྒྱལ་སྤྱིའི་མཁོ་སྤྲོད་སྦྲེལ་ཐག་གི་ཕན་ཚུན་འབྲེལ་མཐུད་དང་ཉོ་ཚོང་སྟབས་བདེ་ཅན་ལ་སྐུལ་འདེད་ཧུར་ཐག་གཏོང་བཞིན་ཡོད་པ་རེད།