（པར་ངོས་དང་པོར་མཐུད） གྲོང་ཁྱེར་དབུ་ཁྲིད་ཝང་ཡུའོ་ཧྭ་དང་སྐལ་བཟང་། ཏེང་ཆོན། ཧོང་ཅིན་ཁྲེང་། ཀྲང་ཡུང་ལིན། མུའུ་ཡུང་ཝུན་བཅས་ཀྱིས་ལྷན་དུ་ཕེབས་རོགས་ཞུས།
དེའི་གོང་དུ། གྲོང་སྤྱི་ཕུར་བུ་དོན་གྲུབ་ཀྱིས་ཆེད་དོན་ཚོགས་འདུ་སྐོང་འཚོག་གནང་སྟེ་ཡར་ཀླུང་གཙང་པོའི་བར་རྒྱུད་ལྷོ་ཁའི་རྒྱུག་ཁུལ་གྱི་སྣོད་བཅུད་བདེ་འཇགས་སྲུང་ཡོལ་འཛུགས་སྐྱོང་གི་ཐོག་མའི་འཆར་ཟིན་གནས་ཚུལ་སྙན་ཞུ་གསན་པ་དང་། གོམ་སྟབས་རྗེས་མའི་འབྲེལ་ཡོད་ལས་དོན་ལ་ཞིབ་འཇུག་དང་བཀོད་སྒྲིག་གནང་བ་རེད།
ཕུར་བུ་དོན་གྲུབ་ཀྱིས་ལས་དོན་དེའི་དོན་སྙིང་ཆེ་ལ་ཕུགས་རྒྱང་རིང་བ་དང་། དུས་ཚོད་སྐབས་ལ་བབ་པ་དང་ཆ་རྐྱེན་ཚང་བ། གནས་བབ་དང་ངེས་གནས་གནད་ལ་འཁེལ་བ། ཁྱབ་ཁོངས་ཇུས་འགོད་དང་བྱ་ཐབས་གནད་ལ་འཁེལ་བ། འབྲེལ་གཏུགས་ལ་ཤུགས་སྣོན་དང་གཅིག་གྱུར་འཆར་འགོད་བྱེད་པ། ཚན་རིག་དང་མཐུན་པའི་དཔྱད་གྲོས་བྱས་ནས་འགག་སྒོ་སྒྲོལ་བ། འགན་འཁྲི་ཁ་གསལ་གྱིས་སྔོན་འགྲོའི་ལས་དོན་ལེགས་སྒྲུབ་བྱེད་དགོས་པ། ཕན་འབྲས་ལ་དབྱེ་ཞིབ་དང་ཕྱོགས་ཡོངས་ལ་དམིགས་པ་བཅས་ཡོང་བ་བྱེད་དགོས་པའི་བཀའ་སློབ་གནང་བ་རེད།
