འདི་ག་ཚགས་པར་ཁང་དུ་གནས་ཚུལ་འབྱོར་གསལ། ཉེ་དུས། ངེད་གྲོང་ཁྱེར་གྱིས་བརྟན་ལྷིང་སྲུང་སྐྱོང་བཀོད་འདོམས་པུའི་བརྙན་འཕྲིན་ཚོགས་འདུ་འཚོགས་ཏེ་རང་སྐྱོང་ལྗོངས་ཀྱི་བརྟན་ལྷིང་སྲུང་སྐྱོང་བཀོད་འདོམས་པུའི་བརྙན་འཕྲིན་ཚོགས་འདུའི་དགོངས་དོན་བརྒྱུད་བསྒྲགས་བྱས་པ་དང་། གྲོང་ཁྱེར་ཡོངས་ཀྱི་ཉེ་དུས་ཀྱི་བརྟན་ལྷིང་སྲུང་སྐྱོང་ལས་ཀར་བཀོད་སྒྲིག་བྱས་པ་རེད།
གྲོང་ཨུད་ཧྲུའུ་ཅི་གཞོན་པ་བག་གྲོས་གསུང་བཤད་གནང་བ་དང་། གྲོང་ཁྱེར་དབུ་ཁྲིད་ཀུང་པིང་གིས་གཙོ་སྐྱོང་གནང་བ། བསྟན་འཛིན་དང་ཀྲང་ཡུང་ལིན། བློ་བཟང་ཕུན་ཚོགས་ཚོགས་འདུར་ཞུགས།
གྲོང་ཁྱེར་ཡོངས་ཀྱི་ཉེ་དུས་ཀྱི་བརྟན་ལྷིང་སྲུང་སྐྱོང་གི་ལས་དོན་ཡག་པོ་བསྒྲུབ་རྒྱུའི་ཐད་བག་གྲོས་བསམ་བློའི་ངོས་འཛིན་གནད་ལ་འཁེལ་བ་དང་། འགལ་ཟླ་རྩོད་གཞི་ལེབ་བཤེར་ཡག་པོ་བསྒྲུབ་དགོས་པ། འགྲིམ་འགྲུལ་བདེ་འཇགས་གཙོ་བོ་བྱས་པའི་བདེ་འཇགས་ལས་དོན་ལ་མཐོང་ཆེན་བྱེད་དགོས་པ། ཆོས་ལུགས་ཁྱབ་ཁོངས་བདེ་འཇགས་ཡོང་རྒྱུ་འགན་ལེན་བྱེད་པ། གསང་འཕྲིན་ཆ་འཕྲིན་འཚོལ་བསྡུ་བརྡར་ཅོད་ལས་དོན་ཡག་པོ་བསྒྲུབ་པ། མཐའ་མཚམས་དོ་དམ་ཚོད་འཛིན་ལ་ཤུགས་སྣོན་རྒྱག་པ། སློབ་གྲྭའི་བདེ་འཇགས་དམ་འཛིན། བརྟན་ལྷིང་སྲུང་སྐྱོང་གི་སྒྲིག་ཁྲིམས་དམ་གསལ་བཅས་བྱེད་དགོས་པའི་ནན་བཤད་གནང་བ་རེད།
