འདི་ག་ཚགས་པར་ཁང་དུ་གནས་ཚུལ་འབྱོར་གསལ། ཉེ་བའི་ལོ་ཤས་ནང་། ཆུ་གསུམ་རྫོང་གིས་གྲོང་གསེབ་གཞུང་ལམ་འཛུགས་སྐྲུན་འདི་ཉིད་དམངས་འཚོའི་ཁྱབ་ཁོངས་ཀྱི་ལས་གཞི་གལ་ཆེན་ཞིག་ཏུ་བརྩིས་ནས་དམ་འཛིན་བྱས་པས་གྲོང་གསེབ་ཀྱི་དཔལ་འབྱོར་མགྱོགས་མྱུར་འཕེལ་རྒྱས་དང་ཞིང་འབྲོག་མང་ཚོགས་ཚོར་བདེ་འཇགས་ངང་འགྲུལ་བཞུད་ཐུབ་རྒྱུར་འགྲིམ་འགྲུལ་གྱི་སྟབས་བདེ་བསྐྲུན་ཡོད་པ་རེད།

ལོ་སྟོད་དུ། ཆུ་གསུམ་རྫོང་གིས་གྲོང་གསེབ་ཀྱི་གཞུང་ལམ་འཛུགས་སྐྲུན་རྣམ་གྲངས་7ལག་བསྟར་བྱས་པའི་ནང་རྒྱུན་མཐུད་རྣམ་གྲངས་2དང་གསར་སྐྲུན་རྣམ་གྲངས་5ཡོད་ཅིང་། རྣམ་གྲངས་ལ་ཁྱོན་མ་འཇོག་སྒོར་ཁྲི་24518ལྷག་ཡོད་པར་མིག་སྔར་མ་འཇོག་སྒོར་ཁྲི་3183ལྷག་བྱས་ཟིན་པ་དང་སྤྱིའི་མ་འཇོག་གི་བརྒྱ་ཆ་68ཟིན་ཡོད་པ་རེད།

དེའི་ནང་། གསར་བསྐྲུན་གཞུང་ལམ་རིང་ཚད་སྤྱི་ལེ44.138དང་ཟམ་པ་4བསྐྲུན་ཡོད་པས་ཁྱོན་མ་འཇོག་སྒོར་ཁྲི་1752ཡོད་པར་མ་འཇོག་སྒོར་ཁྲི་175.2 བྱས་ཟིན་ཅིང་། སྤྱིའི་མ་འཇོག་གི་བརྒྱ་ཆ་151ལེགས་སྒྲུབ་ཟིན་པ་རེད།

ད་ལྟའི་ཆར། ཆུ་གསུམ་རྫོང་གི་ཤང་གྲོང་རྡལ་གཞུང་ལམ་ཤར་གཏོང་ཐུབ་ཚད་བརྒྱ་ཆ་100ཟིན་ཡོད་པ་དང་། སྲིད་འཛིན་གྲོང་ཚོའི་གཞུང་ལམ་ཤར་གཏོང་ཐུབ་ཚད་བརྒྱ་ཆ་78ཟིན་པ། དགོན་སྡེ་དང་ཆོས་ལུགས་བྱེད་སྒོ་ཁང་གི་འགྲོ་ལམ་ཤར་གཏོང་ཐུབ་ཚད་བརྒྱ་ཆ་25ཟིན་ཡོད་པ་རེད།