གཟའ་འཁོར་འདིའི་གནམ་གཤིས་སྔོན་བརྡ། (ཟླ་7ཚེས་24ནས་30ཉིན་བར)

གཟའ་ཟླ་བ་ནས་ལྷག་པའི་བར་ནག་ཆུའི་ནུབ་རྒྱུད་དང་། གཞིས་རྩེ། ལྷོ་ཁའི་ལྷོ་རྒྱུད་བཅས་སུ་ཆར་པ་འབྲིང་བ་ནས་ཆེ་བའི་བར་འབབ་རྒྱུ་དང་། མངའ་རིས་ཀྱི་ཤར་ལྷོའི་རྒྱུད་དང་། ནག་ཆུའི་དབུས་ཤར་རྒྱུད། ཆབ་མདོའི་བྱང་རྒྱུད། ལྷ་ས་བཅས་སུ་ཆར་པ་ཆུང་བའམ་ཡང་ན་འབྲུག་ཆར་འབབ་རྒྱུ་དང་ས་ཆ་ཁག་གཅིག་ལ་ཆར་པ་འབྲིང་བ་འབབ་རྒྱུ། ས་ཁུལ་གཞན་དག་ལ་སྤྲིན་པ་མང་པོ་འཁོར་ནས་ཆར་པ་སིམ་སིམ་འབབ་རྒྱུ། གཟའ་ཕུར་བུ་ནས་ཉི་མའི་བར་གཞིས་རྩེ་དང་། ནག་ཆུའི་དབུས་ཤར་རྒྱུད། ཆབ་མདོའི་བྱང་རྒྱུད་བཅས་སུ་ཆར་པ་འབྲིང་བ་ནས་ཆེ་བའི་བར་འབབ་རྒྱུ། ལྷ་ས་དང་། ལྷོ་ཁ། ཆབ་མདོའི་ལྷོ་རྒྱུད། ཉིང་ཁྲི་བཅས་སུ་ཆར་པ་ཆུང་བ་ནས་འབྲིང་བའི་བར(འབྲུག་ཆར)འབབ་རྒྱུ། ས་ཁུལ་གཞན་དག་ལ་སྤྲིན་པ་མང་པོ་འཁོར་ནས་ཆར་པ་སིམ་སིམ་འབབ་རྒྱུ།

གཉིས། གྲོས་འགོ

1.ཆར་པ་ཆེན་པོ་བབས་ནས་རི་ཉིལ་བ་དང་འདམ་རྡོའི་ཆུ་རུད་སོགས་ཀྱི་ས་གཤིས་གནོད་འཚེར་དོགས་ཟོན་བྱེད་དགོས་པ་དང་། དུས་མཚུངས་སུ་ཆུ་བོ་འབྲིང་ཆུང་གི་ཆུ་ལོག་གནོད་འཚེ་དང་གྲོང་ཁྱེར་གྱི་འཁྱིལ་ཆུའི་དོགས་ཟོན་ལས་དོན་ལ་ཤུགས་སྣོན་རྒྱག་དགོས།

2.ཆར་པ་ཆེན་པོ་འབབ་སྐབས་ཐོག་རྒྱག་པ་དང་སེར་བ་འབབ་སྲིད་པས་དོགས་ཟོན་བྱེད་དགོས།